రామాయంపేట, వెలుగు: బైపాస్ రోడ్డు నిర్మాణాన్నివ్యతిరేకిస్తూ మంగళవారం రామాయంపేట పట్టణానికి చెందిన భూ నిర్వాసిత రైతులు, ప్రజలు, వ్యాపారులు పట్టణ బంద్ నిర్వహించారు. స్వచ్ఛందంగా దుఖాణాలు మూసి వ్యాపారులు ఆందోళనలో పాల్గొన్నారు.
ఈ సందర్భంగా వారు మాట్లాడుతూ ఇదివరకే నేషనల్ హైవే నిర్మాణంలో భూములు కోల్పోయామని, మళ్లీ భూములు కోల్పోతే కోలుకోలేని విధంగా నష్టపోతామన్నారు. ఇళ్ల నిర్మాణం కోసం పైసా పైసా కూడబెట్టి కొనుగోలు చేసిన ప్లాట్లు పోతే తమ పరిస్థితి ఏంటని ప్రశ్నించారు. బైపాస్ రోడ్డు నిర్మిస్తే బిజినెస్ పూర్తిగా దెబ్బతింటుందని వ్యాపారులు ఆందోళన వ్యక్తం చేశారు. వెంటనే బైపాస్ రోడ్డు ఆలోచన విరమించుకోవాలని డిమాండ్ చేశారు. ఈ మేరకు తహసీల్దార్కు వినతి పత్రం సమర్పించారు.
