శ్రీతేజ్ హీరోగా తెరకెక్కుతున్న చిత్రం ‘రాంబో’. రత్నాకరం అనిల్ రాజు దర్శకుడు. ఇటీవల ‘హిడింబ’ చిత్రాన్ని నిర్మించిన శ్రీధర్ గంగపట్నం దీన్ని నిర్మిస్తున్నారు. శ్రీతేజ్ బర్త్‌ డే సందర్భంగా మంగళవారం ఈ మూవీ టైటిల్, ఫస్ట్‌‌లుక్‌‌ని విడుదల చేశారు. టైటిల్‌‌కు తగ్గట్టే ఈ పోస్టర్‌‌‌‌లో అతను ఇంటెన్స్ లుక్‌‌లో ఫెరోషియస్‌‌గా కనిపిస్తున్నాడు.
‘ఇదొక అవుట్ అండ్ అవుట్ యాక్షన్ ఎంటర్‌‌‌‌టైనర్. ఇటీవల పూర్తయిన వైజాగ్‌ షెడ్యూల్‌‌తో టాకీ పార్ట్ కంప్లీట్ అయింది. త్వరలో పాటల చిత్రీకరణకు సన్నాహాలు చేస్తున్నాం’ అని దర్శకనిర్మాతలు చెప్పారు. సునీల్ కశ్యప్ సంగీతం అందిస్తుండగా రామజోగయ్య శాస్త్రి లిరిక్స్ రాస్తున్నారు. రాజీవ్ సాలూరి, ఫర్నాజ్ శెట్టి, మైమ్ గోపి, గోలిసోడ మధు ఇతర పాత్రలు పోషిస్తున్నారు.
