రామ్ చరణ్, కియారా అద్వానీ జంటగా శంకర్ దర్శకత్వంలో రూపొందుతున్న క్రేజీ ప్రాజెక్ట్ ‘గేమ్ చేంజర్’. దిల్ రాజు భారీ బడ్జెట్‌‌‌‌తో నిర్మిస్తున్నారు. సంక్రాంతి సందర్భంగా జనవరి 10న వరల్డ్‌‌‌‌వైడ్‌‌‌‌గా సినిమా విడుదల కానుంది. ఇప్పటికే విడుదలైన టీజర్, రెండు సాంగ్స్ సినిమాపై అంచనాలు పెంచాయి. తాజాగా మూడో పాటను రిలీజ్ చేశారు. తమన్ కంపోజ్ చేసిన ఈ మెలోడీ సాంగ్‌‌‌‌లో రామ్ చరణ్, కియారా కూల్‌ లుక్‌‌‌‌లో ఇంప్రెస్ చేస్తున్నారు. ‘నానా హైరానా.. ప్రియమైన హైరానా.. నానా హైరానా.. అరుదైన హైరానా.. నెమలి ఈకలు పులికింతై నా చెంపలు నిమిరేనా.. వందింతలైన నా అందం.. నువ్వు నా పక్కన ఉంటే వజ్రంలా వెలిగే ఇంకొంచెం’ అంటూ సాగిన పాటకు రామజోగయ్య శాస్త్రి అందమైన లిరిక్స్ రాయగా, కార్తీక్, శ్రేయా ఘోషల్ పాడిన తీరు ఆకట్టుకుంది.
న్యూజిలాండ్‌‌‌‌లో షూట్ చేసిన ఈ మెలోడీ సాంగ్‌‌‌‌లోని విజువల్స్ స్పెషల్ అట్రాక్షన్‌‌‌‌గా నిలుస్తున్నాయి. పొలిటికల్ థ్రిల్లర్‌‌‌‌‌‌‌‌గా తెరకెక్కుతోన్న ఈ చిత్రంలో రామ్ చరణ్ డ్యూయెల్ రోల్‌‌‌‌లో నటిస్తున్నాడు. అందులో ఒకటి ఐఎఎస్‌ ఆఫీసర్‌ పాత్ర కాగా, మరొకటి ప్లాష్‌‌‌‌బ్యాక్ సీన్స్‌‌‌‌లో వచ్చే పొలిటీషియన్ పాత్ర అని తెలుస్తోంది. ఎస్‌ జే సూర్య, జ‌‌‌‌యరామ్‌, అంజ‌‌‌‌లి, సునీల్, శ్రీకాంత్‌, న‌‌‌‌వీన్ చంద్ర కీలక పాత్రలు పోషిస్తున్నారు.
