ఏఐలో రోజుకో కొత్త ఫీచర్ అందుబాటులోకి వస్తోంది. కొన్ని మన పనులను సులభం చేస్తుంటే.. మరికొన్నింటిని మనల్ని ఎంటర్టైన్ చేసేందుకు తీసుకొస్తున్నారు.. అలాంటి ఒక ఫీచర్ని ఇప్పుడు క్యాలిఫోర్నియాకు చెందిన ఆర్టిఫిషియల్ ఇంటెలిజెన్స్ (ఏఐ) ప్లాట్‌ఫామ్ క్యారెక్టర్ ఏఐ తీసుకొచ్చింది. ఈ వీడియో జనరేషన్ మోడల్‌ని ‘అవతార్‌ ఎఫ్‌ఎక్స్‌’ అని పిలుస్తున్నారు. దీని ద్వారా 2డి, 3డి యానిమేటెడ్ వీడియోలను క్రియేట్ చేయొచ్చు. ఇందులో కొత్తేముంది అంటారా... ఇది మనం ఇచ్చిన ఫొటోల సాయంతోనే యానిమేషన్ క్యారెక్టర్లను డిజైన్ చేస్తోంది.
📽️Say hello to AvatarFX — our cutting-edge video generation model. Cinematic. Expressive. Mind-blowing. Dive in: https://t.co/aF5zDrKLIK #CharacterAI #AvatarFX pic.twitter.com/Rkqo4SXEgX
— Character.AI (@character_ai) April 22, 2025
అంటే ఫొటోలు అప్లోడ్ చేస్తే.. అది వాటితో ఒక వీడియో తయారుచేసి ఇస్తుంది. వీడియోలో ముఖం, చేతులు, శరీర కదలికలు స్పష్టంగా కనిపిస్తాయి. వీడియోల్లో క్యారెక్టర్లు మాట్లాడడానికి కావాల్సిన ఇన్పుట్ని టెక్స్ట్ రూపంలో ఇవ్వాల్సి ఉంటుంది. అది టెక్స్ట్ టు స్పీచ్ (టీటీఎస్) టెక్నాలజీని ఉపయోగించి దాన్ని వాయిస్గా మారుస్తుంది. మనుషుల ఫొటోలే కాదు.. కార్టూన్ బొమ్మలు ఇచ్చినా అది వీడియో రూపంలోకి మార్చి ఇస్తుంది. ముఖ కవళికలు కూడా చాలా స్పష్టంగా కనిపిస్తాయి. అయితే.. ఈ ఫీచర్ని పెయిడ్ సబ్‌స్క్రయిబర్లకు మాత్రమే అందుబాటులోకి తీసుకొచ్చింది.
మిగతా ఏఐ మోడల్స్లా ఇది వీడియో జనరేషన్ కోసం టెక్స్ట్ ఇన్‌పుట్‌లను తీసుకోదు. కేవలం మోడల్ ఫొటోలను మాత్రమే ఇన్‌పుట్‌గా తీసుకుంటుంది. డీప్ఫేక్ లాంటి ఏఐ బేస్డ్‌ వీడియో జనరేషన్ మోడల్స్ ద్వారా ఇదివరకు కొన్ని ఫేక్ వీడియోలు క్రియేట్ చేశారు. కానీ.. ఇందులో అది సాధ్యం కాదు. ఎందుకంటే మైనర్లు, పెద్ద పెద్ద రాజకీయ నాయకులు, ప్రముఖ వ్యక్తుల ఫొటోలను ఇస్తే వాటిని వెంటనే బ్లాక్ చేస్తుంది. వీడియో జనరేట్ చేయలేను అని చెప్పేస్తుంది. వీడియోల కోసం రాసే డైలాగ్‌లను చెక్ చేసేందుకు ఇన్-బిల్ట్ సేఫ్టీ ఫిల్టర్లు ఉన్నాయి. అంటే అసభ్య కరమైన పదాలు రాస్తే వాయిస్గా మార్చదు. వీడియో నిజమైనదా? ఏఐ ద్వారా క్రియేట్ చేసినదా? తెలుసుకునేందుకు వీలుగా ఇది ప్రతి వీడియోని వాటర్మార్క్‌‌తో జనరేట్ చేస్తుంది.
ఇప్పటికే కాంట్రవర్సీలో..
క్యారెక్టర్ ఏఐ ఆండ్రాయిడ్, ఐఫోన్లలో పనిచేస్తుంది. ఇది ఇప్పటికే చాలా ఫేమస్ ఏఐ యాప్. దీన్ని లైవ్ ఏఐ క్యారెక్టర్లతో చాట్‌ చేయటానికి రూపొందించారు. మన ఇష్టాలను ఏఐకి చెప్తే.. అందుకు అనుగుణంగా ఒక ఏఐ క్యారెక్టర్ని క్రియేట్ చేస్తుంది. దాంతో మనం ఒక ఫ్రెండ్లా మాట్లాడొచ్చు. ఈ మధ్యే కాలింగ్‌ ఫీచర్ని కూడా తీసుకొచ్చింది. ఏఐకి ఎప్పుడంటే అప్పుడు కాల్ చేయొచ్చు. మనతో మాట్లాడే గొంతును కూడా మనమే దాని లైబ్రరీ నుంచి సెలక్ట్‌ చేసుకోవచ్చు. ఈ యాప్‌ను ఎక్కువగా యువతే ఉపయోగిస్తోంది.
