హైదరాబాద్, వెలుగు: తెలంగాణ సాధనలో కీలక పాత్ర పోషించిన మంత్రి పొన్నం ప్రభాకర్పై పసలేని ఆరోపణలు చేయడం కరెక్ట్కాదని యువజన కాంగ్రెస్ నాయకుడు జెల్లా రమేశ్గౌడ్ అన్నారు. గురువారం ఆయన మహేశ్వరంలో మీడియాతో మాట్లాడారు. నిరుపేదలకు సంక్షేమ పథకాలు అందించేందుకు శ్రమిస్తున్న మంత్రి పొన్నం ప్రభాకర్ కు ఎమ్మెల్యే పాడి కౌశిక్రెడ్డి అవినీతి మరకలు అంటించేందుకు కుట్ర చేస్తున్నాడని మండిపడ్డాడు. కౌశిక్ రెడ్డి వ్యక్తిత్వం ఏంటో బీఆర్ఎస్హయాంలోనే బయటపడిందన్నారు.
అహంకార పూరితంగా గవర్నర్ ను విమర్శించిన విషయం రాష్ట్ర ప్రజలకు తెలుసన్నారు. అసెంబ్లీ ఎన్నికల్లో ప్రజలను ఎమోషనల్బ్లాక్ మెల్ చేసి గెలిచిన కౌశిక్.. పొన్నం ప్రభాకర్ పై ఆరోపణలు చేయడం సిగ్గుచేటన్నారు. యాష్రవాణాలో ఆయనకు ఎలాంటి సంబంధం లేదన్నారు. ఆధారాలు లేకుండా బీసీ మంత్రిపై ఆరోపణలు చేయడాన్ని తాము తీవ్రంగా ఖండిస్తున్నామని చెప్పారు. వెంటనే క్షమాపణ చెప్పాలని డిమాండ్చేశారు. సమవేశంలో నాయకులు మారగాని వేణు మాధవ్, కుంభం గోపాల్ పాల్గొన్నారు.
