భారత్లో మరో మూడు చిత్తడి నేలలు రామ్సర్ జాబితాలో చోటు దక్కించుకున్నాయి. దీంతో భారత్లో రామ్సర్ ప్రదేశాల సంఖ్య 75కు చేరుకుంది. 1971, ఫిబ్రవరి 2న ఇరాన్లోని రామ్సర్లో చిత్తడి నేలలపై సమావేశం అంతర్ ప్రభుత్వం ఒప్పందం జరిగింది. కన్వెన్షన్ పేరు సాధారణంగా కన్వెన్షన్ అండ్ వెట్ల్యాండ్స్ అనే పేర్కొన్నారు. అయితే ఇది రామ్సర్ కన్వెన్షన్గా ప్రసిద్ధి చెందింది. సహజ వనరుల పరిరక్షణ, స్థిరమైన వినియోగంపై ఆధునిక ప్రపంచ అంతర్ ప్రభుత్వ ఒప్పందాల్లో రామ్సర్ మొదటిది. 1975లో అమల్లోకి వచ్చింది.
ఇప్పుడు ప్రపంచంలోని అన్ని ప్రాంతాల్లో 162 కాంట్రాక్టింగ్ పార్టీలు లేదా సభ్య దేశాలు ఉన్నాయి. రామ్సర్ ఒప్పందంలో అంతర్జాతీయ సంస్థ భాగస్వాములు అని పిలిచే మరో ఆరు సంస్థలతో కలిసి పనిచేస్తుంది. అవి.. బర్డ్ లైఫ్ ఇంటర్నేషనల్, ఇంటర్నేషనల్ యూనియన్ ఫర్ కన్జర్వేషన్ ఆఫ్ నేచర్, అంతర్జాతీయ నీటి నిర్వహణ సంస్థ, వెట్ ల్యాండ్స్ ఇంటర్నేషనల్, డబ్ల్యూడబ్ల్యూఎఫ్ ఇంటర్నేషనల్, వైల్డ్ లైఫ్ అండ్ వెట్ ల్యాండ్స్ ట్రస్ట్(డబ్ల్యూడబ్ల్యూటీ). ఈ సంస్థకు చెందిన నిపుణులు సాంకేతిక సలహాలను అందించడం, ఫీల్డ్ స్టడీస్ను అమలు చేయడంలో సాయం చేయడం, ఆర్థిక సాయం అందిస్తాయి. ఐఓపీలు పార్టీల కాన్ఫరెన్స్ అన్ని సమావేశాల్లో పరిశీలకులుగా, సైంటిఫిక్, టెక్నికల్ రివ్యూ ప్యానల్ పూర్తి సభ్యులుగా క్రమం తప్పకుండా పాల్గొంటాయి.
ఇతర భాగస్వాములు
జీవవైవిధ్యానికి సంబంధించిన కన్వెన్షన్ ఆన్ బయోలాజికల్ డైవర్సిటీ, ది కన్వెన్షన్ టు కంబాట్ డెసర్టిఫికేషన్, వలస జాతులపై కన్వెన్షన్, వరల్డ్ హెరిటేజ్ కన్వెన్షన్, అంతరించిపోతున్న జాతుల అంతర్జాతీయ వాణిజ్యంపై ఒప్పందం తదితర ఒప్పందాలు అమలులో ఉన్నాయి.
