టాలీవుడ్ మోస్ట్ వర్సటిలిటీ యాక్టర్ రానా దగ్గుబాటి( Rana Daggubati) ..మొదటి నుంచి కథ ప్రాధాన్యం ఉన్న మూవీస్ ను ఎంచుకుంటూ తనలోని యాక్టర్ ను బయటికి వచ్చేలా చేస్తున్నారు.గత కొన్నేళ్ల నుండి ఏదైనా సినిమాలో ప్రత్యేక పాత్రల్లో నటిస్తునాడే తప్ప..సోలోగా నటించే సినిమాలు తక్కవైపోయాయి. అప్పుడెప్పుడో ఆయ‌న న‌టించిన 'విరాట పర్వం'సినిమా త‌ర్వాత మ‌ళ్లీ పూర్తి స్థాయి సినిమా రాలేదు. దీంతో దగ్గుబాటి ఫ్యాన్స్ కాస్తా డిస్సప్పాయింట్ అయ్యారనే వార్తలు వస్తున్నాయి.
అయితే,క్రమంలోనే అభిమానుల ఆకలి తీరుస్తూ తన కొత్త సినిమాను మొదలు పెట్టాడని సమాచారం.తాజాగా రానా కొత్త దర్శకుడికి గ్రీన్ సిగ్నల్ ఇచ్చాడని తెలుస్తోంది. కిషోర్ అనే యంగ్ డైరెక్టర్ చెప్పిన కథ నచ్చడంతో ఒకే చెప్పాడంట.ఈ సినిమాని బాహుబలి ఫేమ్ ఆర్కా మీడియా వర్క్స్ భారీ బడ్జెట్తో ఈ చిత్రాన్ని నిర్మించబోతోందని టాక్ వినిపిస్తోంది.అలాగే ఈ సినిమాలో రానాకీ జోడిగా కేజీఎఫ్ బ్యూటీ శ్రీనిధి శెట్టి ఖరారైందంట.ప్రస్తుతం ప్రీ ప్రోడ‌క్ష‌న్ ప‌నులు జ‌రుపుకుంటున్న ఈ మూవీ అక్టోబర్లో సెట్స్ పైకి వెళ్ల‌నుందని టాక్. త్వరలో మేకర్స్ నుంచి అధికారిక ప్రకటన వచ్చే ఛాన్స్ ఉంది.
రానా సినిమాల విషయానికి వస్తే..ప్రస్తుతం సూపర్ స్టార్ రజినీకాంత్ హీరోగా తెరకెక్కుతోన్న వేట్టయాన్ (వేటగాడు) సినిమాలో కీలక పాత్రలో నటిస్తున్నారు. అలాగే తేజ దర్శకత్వంలో రాక్షసరాజు అనే మూవీని చేస్తున్నాడు. ఓ వైపు నిర్మాతగా లో బడ్జెట్ సినిమాలు చేస్తూ మరో వైపు హీరోగా ప్రయోగాత్మక కథలకి పెద్దపీట వేస్తున్న రానా..కొత్త దర్శకుడి సినిమాలో ఎలా కనిపించనున్నారో చూడాలి.
