బాలీవుడ్ స్టార్ డైరెక్టర్ నితేష్ తివారీ(Nitesh Tiwari) రామాయణ(Ramayana) ఇతిహాసాన్ని తెరపై ఆవిష్కరించబోతున్న విషయం తెలిసిందే. ఈ మూవీ కోసం భారతీయ ప్రేక్షకులు ఆసక్తిగా ఎదురుచూస్తున్నారు. ఈ సినిమాలో రాముడిగా రణ్బీర్ కపూర్(Ranbir Kapoor), సీతగా సాయి పల్లవి(Sai Pallavi) నటిస్తున్నారు. లంకేశ్వరుడైన రావణుడిగా కేజీఎఫ్ స్టార్ యష్ (Yash) కనిపించనున్నాడు.
తాజాగా ఇవాళ (నవంబర్ 6న) ఈ సినిమా రెండు భాగాలుగా తెరకెక్కనుందని తెలుపుతూ రిలీజ్ అప్డేట్ ఇచ్చారు డైరెక్టర్ నితేష్ తివారీ. "కృతజ్ఞతతో నిండిన హృదయంతో, మన రామాయణం, మన సంస్కృతి మరియు మన చరిత్రను ప్రపంచంతో పంచుకోవాలనే కలతో, మేము మీ ప్రేమ మరియు ఆశీర్వాదాలను కోరుకుంటున్నాము.. 2026 దీపావళికి మొదటి భాగం, 2027 దీపావళికి రెండో భాగం మీ ముందుకు రానుంది" అంటూ వెల్లడించారు.
Also Read : ఈ శుక్రవారం (Nov8) ఓటీటీలోకి బ్లాక్‌బస్టర్ సినిమాలు
అయితే..ఈ మూవీ వీఎఫ్ఎక్స్‌ కోసం నితేశ్‌ తివారీ టీమ్‌ ఆస్కార్ విన్నింగ్‌ కంపెనీ డీఎన్‌ఈజీ (DNEG)తో చర్చలు జరిపినట్లు టాక్. అలాగే ఈ సినిమాకు తెలుగు వెర్షన్‌ డైలాగ్స్ రాసే బాధ్యతను మాటల మాంత్రికుడు త్రివిక్రమ్‌ కు అప్పగించినట్లు సినీ వర్గాల్లో వినిపిస్తోంది. మ్యూజిక్ విషయంలో కూడా ఆస్కార్ విన్నర్ ఏర్ రెహమాన్ తో పాటుగా మరికొంతమందిని తీసుకునే ఛాన్స్ ఉందంటూ టాక్ మొదలైంది.
ఇలా రామాయణ కోసం ప్రతి టెక్నీకల్ రంగంలో వరల్డ్ వైడ్ గుర్తింపు పొందిన మేకర్స్ ను డైరెక్టర్ నితేష్ సెలెక్ట్ చేసుకుంటున్నట్లు తెలుస్తోంది. కాగా నితేశ్‌ తివారీ దర్శకత్వంలో తెరకెక్కనున్న ఈ సినిమాకు బాలీవుడ్ అగ్ర నిర్మాత నమిత్ మల్హోత్రాతో కలిసి అల్లు అరవింద్ దీన్ని రూపొందిస్తున్నారు
More than a decade ago, I embarked on a noble quest to bring this epic that has ruled billions of hearts for over 5000 years to the big screen. pic.twitter.com/Hf7MblEf41
— Namit Malhotra (@malhotra_namit) November 6, 2024
రామాయణం గురించి ఎన్నిసార్లు చెప్పినా ప్రతిసారి కొత్తగా చెప్పడానికి ఏదో ఒకటి ఉంటూనే ఉంటుంది. అలాంటి గొప్ప ఇతిహాసాన్ని తెరపైకి తీసుకువస్తోన్న బాలీవుడ్ మేకర్స్ కి ఈ సినిమా బాక్సాఫీస్ దగ్గర ఎలాంటి విజయాన్ని సాధిస్తుందో చూడాలి.
