హైదరాబాద్ సిటీ, వెలుగు: పటాన్చెరు, బీహెచ్ఈఎల్, రామచంద్రాపురం నుంచి విజయవాడ వెళ్లే ప్రయాణికుల కోసం బీహెచ్ఈఎల్ డిపో నుంచి కొత్తగా ఓఆర్ఆర్ మీదుగా కొత్తగా రెండు ఈ గరుడ బస్సులను సోమవారం ప్రారంభించనున్నట్లు రంగారెడ్డి జిల్లా ఆర్ఎం శ్రీలత తెలిపారు. ఈ బస్సులు రామచంద్రాపురం, బీరంగూడ, చందానగర్, మియాపూర్ నిజాంపేట్ క్రాస్ రోడ్స్, హౌసింగ్ బోర్డ్ మీదుగా జేఎన్టీయూ రైతు బజార్, మలేషియన్ టౌన్షిప్, శిల్పారామం, సైబర్ టవర్స్, మై హోమ్ భూజా, సైబరాబాద్ కమిషనరేట్, టెలికాం నగర్ మీదుగా ఓఆర్ఆర్ నుంచి విజయవాడ వెళ్తాయని తెలిపారు. ఈ రూట్ వల్ల విజయవాడ వెళ్లే ప్రయాణికులకు ట్రాఫిక్ ఇబ్బందులు తప్పుతాయన్నారు. ప్రతిరోజూ రాత్రి 9:30, రాత్రి10:30కురామచంద్రాపురం నుంచి బస్సులు బయలుదేరుతాయన్నారు.
