బాలీవుడ్ సీరియల్ హీరోయిన్ రష్మి దేశాయ్ హిందీ సినీ పరిశ్రమలోని క్యాస్టింగ్ కౌచ్ పై సంచలన వ్యాఖ్యలు చేసింది. అయితే ఇండస్ట్రీకి వచ్చిన కొత్తలో ఓ డైరెక్టర్ దగ్గరికి ఆడిషన్ ఇవ్వడానికి వెళ్లానని, ఇదే అదునుగా చేసుకున్న ఆ డైరక్టర్ తనతో అసభ్యకరంగా ప్రవర్తించాడాని తెలిపింది. అలాగే కూల్ డ్రింక్ లో మత్తుమందు ఇచ్చి తాగాలని బలవంతం చేశాడని సంచలన వ్యాఖ్యలు చేసింది.
కానీ తాను అప్పటకే ఆ డైరెక్టర్ కపటబుద్దిని అర్థం చేసుకుని అక్కడినుంచి చాకచక్యంగా తప్పించుకుని వెళ్లిపోయానని తెలిపింది. ఆయితే ఈ విషయం గురించి తన తల్లితో చెప్పడంతో ఈ సంఘటన జరిగిన మరుసటి రోజు మళ్ళీ ఆడిషన్ కి తన తల్లితో కలసి వెళ్ళి ఆ డైరెక్టర్ కి బుద్ది చెప్పామని చెప్పుకొచ్చింది. కానీ తనని ఇబ్బంది పెట్టిన డైరెక్టర్ పేరు మాత్రం వెల్లడించలేదు రష్మి దేశాయ్.
ఈ విషయం ఇలా ఉండగా నటి రష్మి దేశాయ్ హిందీలో పాపులర్ అయిన నాగిన్ సీరియల్ ద్వారా బుల్లితెరపై మంచి గుర్తింపు తెచ్చుకుంది. అలాగే ప్రముఖ రియాలిటీ గేమ్ షో అయిన బిగ్ బాస్ షోలో కూడా కంటెస్టెంట్ గా పాల్గొని తన ఆట తీరుతో బాగానే అలరించింది.
