బ్యాక్ టు బ్యాక్ వరుస సినిమాల్లో నటిస్తోంది రష్మిక మందన్న. ఈనెల 5న ‘పుష్ప2’ చిత్రంతో ప్రేక్షకుల ముందుకు రాబోతోంది. అలాగే ప్రస్తుతం ఆమె లీడ్ రోల్‌‌‌‌లో నటిస్తున్న సినిమా ‘ది గర్ల్ ఫ్రెండ్’. రాహుల్ రవీంద్రన్ డైరెక్ట్ చేస్తున్న ఈ చిత్రంలో రష్మికకి జంటగా దీక్షిత్ శెట్టి నటిస్తున్నాడు. అల్లు అరవింద్ సమర్పణలో గీతా ఆర్ట్స్, మాస్ మూవీ మేకర్స్, ధీరజ్ మొగిలినేని ఎంటర్‌‌‌‌‌‌‌‌టైన్‌‌‌‌మెంట్ బ్యానర్స్ కలిసి నిర్మిస్తున్నాయి. ఈ మూవీ టీజర్‌‌‌‌‌‌‌‌ను త్వరలో రిలీజ్ చేయనున్నట్టు మంగళవారం ప్రకటించారు.
తాజాగా ‘పుష్ప2’ ప్రీ రిలీజ్ ఈవెంట్‌‌‌‌లో దర్శకుడు సుకుమార్.. రష్మిక నటనను మెచ్చుకుంటూ, ఆమె నటించిన ‘గర్ల్ ఫ్రెండ్’ టీజర్‌ చూశానని, చాలా బాగుందని చెప్పడంతో టీజర్‌‌‌‌‌‌‌‌పై అంచనాలు ఏర్పడ్డాయి. ప్రస్తుతం ఈ మూవీ షూటింగ్ చివరి దశలో ఉంది. హేషమ్ అబ్దుల్ వాహబ్ సంగీతం - అందిస్తున్నాడు. మరోవైపు శేఖర్ కమ్ముల దర్శకత్వంలో ధనుష్, నాగార్జున నటిస్తున్న ‘కుబేర’ చిత్రంలో రష్మిక హీరోయిన్‌‌‌‌గా నటిస్తోంది. అలాగే ఛావ, సికిందర్, రెయిన్ బో వంటి క్రేజీ ప్రాజెక్టులతో ఆమె బిజీగా ఉంది.
