గత ఏడాది ‘పుష్ప 2’ లాంటి బ్లాక్ బస్టర్ సక్సెస్‌‌‌‌ను అందుకున్న రష్మిక.. వరుస ప్రాజెక్ట్స్‌‌‌‌తో ఫుల్ బిజీగా ఉంది. ఇప్పటికే సల్మాన్ ఖాన్‌‌‌‌కు జంటగా మురుగదాస్ డైరెక్షన్‌‌‌‌లో ‘సికిందర్’ చిత్రంలో నటిస్తున్న ఆమె.. తాజాగా మరో క్రేజీ ప్రాజెక్ట్‌‌‌‌లో ఛాన్స్ అందుకుంది. అదికూడా మరోసారి సల్మాన్ సినిమాలోనే కావడం విశేషం.
షారుఖ్‌‌‌‌కు ‘జవాన్‌’ లాంటి బ్లాక్ బస్టర్ ఇచ్చిన తమిళ దర్శకుడు అట్లీ.. ఇప్పుడు సల్మాన్ ఖాన్‌‌‌‌తో ఓ సినిమా చేయబోతున్నాడు. ఇందులో హీరోయిన్‌‌‌‌గా రష్మికను ఫైనల్ చేసినట్టు బాలీవుడ్ సమాచారం. ఇప్పటికే ఆమె ఈ మూవీకి సైన్ కూడా చేసిందని టాక్. అనిరుధ్ రవిచందర్ దీనికి సంగీతం అందిస్తున్నాడు. ప్రముఖ తమిళ నిర్మాణ సంస్థ సన్‌ పిక్చర్స్‌ ఈ చిత్రాన్ని నిర్మించ నుందట.
ఇక విక్కీ కౌశల్‌‌‌‌కు జంటగా రష్మిక నటించిన హిస్టారికల్ యాక్షన్ మూవీ ‘ఛావా’ ఫిబ్రవరి 14న విడుదల కాబోతోంది. ఇందులో ఆమె మహారాణి యేసుభాయి పాత్రలో నటించింది.
