- రాష్ట్ర ఫుడ్ కమిషన్ చైర్మన్ తిరుమలరెడ్డి
వికారాబాద్ జిల్లా, వెలుగు : జిల్లాలో పైలట్ ప్రాజెక్ట్ క్రింద కొన్ని రేషన్ షాపులను ఎంపిక చేసుకొని 70 ఏండ్లు దాటిన వయోవృద్ధులకు ఇంటి వద్దనే సరుకులు పంపిణీ చేసేలా కృషి చేయాలని రాష్ట్ర ఫుడ్ కమిషన్ చైర్మన్ కె.తిరుమలరెడ్డి తెలిపారు. గురువారం వికారాబాద్ టౌన్లోని ఎన్నేపల్లిలో రేషన్ షాపు, శివారెడ్డిపేటలోని ప్రైమరీ స్కూల్ను, అంగన్వాడీ సెంటర్ ను తనిఖీ చేశారు. ఎన్నెపల్లి లోని రేషన్ షాపులో ఓటీపీ ద్వారా సరుకుల పంపిణీని పరిశీలించారు. కొంతమంది లబ్ధిదారులు కార్డు ఉండి కూడా రేషన్ తీసుకోవడంలేదని చైర్మన్ దృష్టికి తీసుకురాగా స్పందిస్తూ , రేషన్ షాపుల వద్ద ప్రత్యేక క్యాంపులు నిర్వహించి పరిష్కరించాలని సూచించారు. అర్హులైన ప్రతి ఒక్కరికి రేషన్ అందే విధంగా చూడాలని ఆదేశించారు. ధారూర్ మండలంలోని కెరెళ్లలో సర్కార్బడి ఆవరణలో అధికారులతో కలిసి మొక్కలు నాటారు. కమిటీ సభ్యులు గోవర్ధన్ రెడ్డి, జిల్లా అడిషనల్కలెక్టర్ మోతిలాల్, డీఆర్డీవో కృష్ణన్, డీడబ్ల్యూవో లలితా కుమారి, డీసీఎస్వో రాజేశ్వర్, డీఎం సివిల్ సప్లై విమల, డీఎంఅండ్హెచ్ వో జీవరాజు తదితరులు ఉన్నారు.
