- రేషన్ కార్డుల్లో నాలుగు వేల మందికి పైగా పేర్ల తొలగింపు
- రేషన్ కోటా ఆపేసిన ఆఫీసర్లు
- తాము చావలేదంటున్న లబ్దిదారులు
- వివరాలు అప్ డేట్ చేసుకోవాలంటూ ఆఫీసర్ల సలహా
మహబూబ్నగర్, వెలుగు : బతికున్నవాళ్లను కూడా రేషన్ కార్డుల్లో అధికారులు చంపేశారు. కార్డుల్లోంచి వారి పేర్లను తొలగిస్తూ పేదలను నిత్యావసరాలకు దూరం చేశారు. కొద్ది నెలల కింద రేషన్కార్డుల్లో ఉన్న లబ్ధిదారుల్లో ఎవరైనా చనిపోయి ఉంటే వారి పేర్లను తొలగించాలని సర్కారు ఆదేశాలు జారీ చేసింది. ఫీల్డ్ లెవెల్లో ఎంక్వైరీ చేసి చనిపోయిన వారి లిస్టు తయారు చేసి పంపించాల్సిన కింది స్థాయి అధికారులు.. విచారణ జరపకుండా బతికున్నవారి పేర్లను కూడా చేర్చి పంపించారు. దీంతో చాలామందికి రేషన్దక్కడం లేదు.
ప్రతి ఊళ్లో ఐదారుగురి పేర్లు..
రాష్ర్టంలోని 33 జిల్లాల్లో 17,348 రేషన్ షాపులు ఉండగా, వీటి పరిధిలో 90,10,215 రేషన్ కార్డులున్నాయి. ఇందులో అంత్యోదయ కార్డులు 5,63,191, ఎఫ్ఎస్సీ కార్డులు 84,41,429, అన్నపూర్ణ కార్డులు 5,595 ఉన్నాయి. ఈ కార్డుల యూనిట్లకు సంబంధించి చనిపోయిన వారి వివరాలను సేకరించాలని రాష్ర్ట ప్రభుత్వం ఎనిమిది నెలల కింద ఆదేశించింది. ఈ మేరకు స్థానిక ఆఫీసర్లు ఫీల్డ్లెవెల్కు వెళ్లకుండానే తెలిసిన వారిని అడిగి వారు చెప్పిన వివరాల ప్రకారం రిపోర్టు తయారు చేశారు. దీన్ని సివిల్సప్లయ్కమిషనరేట్కు పంపారు. ఈ నివేదికను ఫైనలైజ్చేసి రెండు నెలల కింద జిల్లాల సివిల్సప్లయీస్ఆఫీసర్లకు పంపగా, వారు రేషన్డీలర్లకు అందజేశారు.
ఒకరు చనిపోతే మరొకరి పేరు
క్షేత్ర స్థాయికి వెళ్లకపోవడం మూలంగా కుటుంబంలో ఒకరు చనిపోతే మరొకరి పేరు రిపోర్టులో పేర్కొన్నారు. ఉదాహరణకు మహబూబ్నగర్జిల్లా దేవరకద్రలోని బీసీ కాలనీకి చెందిన ఎల్లమ్మ (80) చనిపోతే ..ఆమె మనుమరాలు జయశ్రీ చనిపోయినట్లు పేరు తొలగించారు. ఇదే మండలం గూరకొండలో దాసరి కుర్మన్న (94) చనిపోగా, ఈయన కొడుకు పెంటప్ప చనిపోయినట్లు పేరు తీసేశారు. గండీడ్మండలం సాలార్నగర్కు చెందిన బంటు హనుమయ్య పోయిన నెల రేషన్ తీసుకున్నాడు. కానీ, ఈయన పేరు చనిపోయిన వారి లిస్టులో వచ్చింది. ఇలా రాష్ట్రవ్యాప్తంగా వేల మంది బతికే ఉన్నా.. వీరి పేర్లను చనిపోయిన వారి లిస్టులో చేర్చారు. దీంతో వీరికి ఈ నెల కోటా రాలేదు. అయితే, ఆన్లైన్లో ఎంట్రీ చేస్తున్న క్రమంలో మిస్టేక్ జరిగి ఉండవచ్చని సివిల్సప్లయీస్ఆఫీసర్లు చెబుతున్నారు.
రేషన్షాపులకు పోతేనే తెలుస్తుంది
రేషన్బియ్యాని ప్రతి నెలా 4వ తేదీ నుంచి రాష్ర్టంలో లబ్ధిదారులకు పంపిణీ చేస్తారు. దీంతో గత ఆరు రోజుల నుంచి ఆయా ఊళ్లలో రేషన్తీసుకోవడానికి లబ్ధిదారులు వెళ్తుండగా ‘మీరు బతికే ఉన్నరా? సచ్చిపోయిన లిస్టుల మీ పేరున్నది’ అని డీలర్లు చెబుతున్నారు. ఈసారి మీ కోటా రాలేదని చెబుతుండడంతో డీలర్లతో గొడవకు దిగుతున్నారు. ఈ విషయాన్ని డీలర్లు జిల్లాల సివిల్సప్లయీస్ఆఫీసర్లకు చేరవేస్తున్నారు. తమ దగ్గరకు బతికే ఉన్నామంటూ వచ్చిన వారి వివరాలు తీసుకుని ఆఫీసర్లకు అందజేస్తున్నారు. దీంతో ఆపరేటర్లు ఆన్లైన్లో వీరి పేర్లు రీ స్టోర్ చేస్తున్నారు. ఇలా తెలంగాణవ్యాప్తంగా గురువారం సాయంత్రం నాటికి 4,152 మంది పేర్లను రీ స్టోర్ చేసినట్టు సమాచారం.
బతికున్నట్టు నిరూపించుకోవాల్సిందే
ఈ నెల పోతే పోనియ్...వచ్చే నెల నుంచైనా రేషన్వస్తుందనుకుంటే వివరాలు అప్డేట్చేసుకుంటేనే వీలవుతుందంటున్నారు అధికారులు. ఆధార్కార్డు, ఇతర పత్రాలతో మీ సేవా కేంద్రాల్లో వివరాలు అప్డేట్చేసుకోవాల్సి ఉంటుందంటున్నారు. అలా కాకున్నా రేషన్షాపుల వద్దకు ఆధార్కార్డు తీసుకుపోతే వేలిముద్ర తీసుకుని బయోమెట్రిక్ద్వారా అప్డేట్చేస్తారని ఆఫీసర్లు చెబుతున్నారు. కానీ, డీలర్లకు దీనిపై అవగాహన లేకపోవడంతో అప్డేట్చేయలేకపోతున్నారు. ఆఫీసర్లు కూడా డీలర్లకు శిక్షణ ఇవ్వడం లేదు. దీంతో చాలా మంది మీ సేవా కేంద్రాలకు వెళ్లి తాము బతికే ఉన్నామని వివరాలు చెబుతున్నారు.
అప్డేట్చేసుకుంటే రీస్టోర్ అవుతుంది
కొన్ని జిల్లాల్లో చనిపోయిన వాళ్లనే కాకుండా, బతికున్న వారి పేర్లు కూడా చనిపోయిన వారి లిస్టులో వచ్చాయి. ఇది టెక్నికల్ మిస్టేక్. కార్డుల్లో పేర్లు లేని వారు ఉంటే ఆధార్ కార్డుతో రేషన్షాపులకు లేదా మీ సేవా సెంటర్లకు వెళ్లి అప్డేట్చేయించుకోవాలి. వారి పేర్లు మళ్లీ రీ ప్లేస్అవుతాయి. ఈ విషయంలో ఆందోళన చెందాల్సిన అవసరం లేదు.
–బాలరాజు, డీఎస్ఓ, మహబూబ్నగర్
ఆధార్, వేలిముద్రతీసుకోమన్నారు..
నా రేషన్షాపు పరిధిలో ఉన్న కొందరి పేర్లు చనిపోయిన వారి లిస్టులో వచ్చాయి. వీరి కోటా బియ్యం రాలేదు. ఈ విషయాన్ని తహసీల్దార్ఆఫీస్లో చెప్పిన. పై నుంచే లిస్ట్వచ్చిందని అన్నారు. పేర్లు మిస్అయిన వారి ఆధార్కార్డు తీసుకొస్తే, బయోమెట్రిక్ద్వారా వేలిముద్ర తీసుకుని వారి పేర్లను రీప్లేస్చేసుకోవాలని చెప్పారు. కానీ, ఈ నెలా కోటా బియ్యం రాదన్నారు.
–గోపాల్గౌడ్, సాలార్నగర్రేషన్డీలర్, గండీడ్మండలం
