లింగంపేట, వెలుగు : బొలేరో వాహనంలో అక్రమంగా తరలిస్తున్న11.50 క్వింటాళ్ల రేషన్ బియ్యాన్ని శుక్రవారం గాంధారి మండలం పోతంగల్ కలాన్స్టేజీ వద్ద పట్టుకున్నట్లు ఎస్ఐ ఆంజనేయులు తెలిపారు. జిల్లాలోని బాన్సువాడ కు చెందిన అబ్దుల్రహీం అనే వ్యక్తి టీఎస్17యు 0993 నంబర్గల బొలెరో వాహనంలో రేషన్ బియ్యాన్ని తరలి న్నట్లు పోలీసులకు సమాచారం అందింది.
దీంతో తనిఖీలు చేపట్టి రేషన్బియ్యాన్ని గుర్తించి వాహనాన్ని సీజ్ చేశామని ఎస్ఐ తెలిపారు. పట్టుకున్న బియ్యాన్ని సంబంధిత రెవెన్యూ అధికారులకు అప్పగించామని, వాహనాన్ని సీజ్ చేసి వాహన యజమాని అబ్దుల్రహీంపై కేసు నమోదు చేసినట్లు ఎస్ఐ చెప్పారు. రేషన్బియ్యాన్ని విక్రయించిన వారితో పాటు కొనుగోలు చేసినవారిపై కేసులు నమోదు చేస్తామని ఎస్ఐ హెచ్చరించారు.
