- 3 గ్రాముల డ్రగ్స్, 12 ఫారిన్ లిక్కర్ బాటిళ్లు సీజ్
చందానగర్, వెలుగు: హైటెక్సిటీలోని ఓ అపార్ట్మెంట్లో రేవ్పార్టీని రంగారెడ్డి జిల్లా ఎక్సైజ్ స్పెషల్ టాస్క్ఫోర్స్ ఆఫీసర్లు భగ్నం చేశారు. ఐదుగురు యువకులను అదుపులోకి తీసుకుని, ఒక గ్రాము కొకైన్, 2 గ్రాములు ఎండీఎంఏ,12 బాటిళ్ల విదేశీ మద్యం స్వాధీనం చేసుకుని సీజ్ చేశారు. స్టేట్ఎన్ఫోర్స్మెంట్ జాయింట్ కమిషనర్ కేవై ఖురేషీ, ఎస్టీఎఫ్ ఎస్పీ ప్రదీప్రావు తెలిపిన ప్రకారం.. బేగంపేటకు చెందిన ఎ.నాగరాజు యాదవ్(31) బిల్డర్. ఈనెల 7న ఫ్రెండ్స్తో గోవాకు వెళ్లి 3 గ్రాముల కొకైన్ కొన్నాడు.
తన బర్త్డే పార్టీ కోసమని మోకిలకు చెందిన ఫ్రెండ్ నితిన్(24) వద్ద దాచాడు. ఇటీవల దుబాయ్ నుంచి వచ్చిన తన తమ్ముడు సాయికుమార్ యాదవ్(27) ద్వారా 12 లిక్కర్ బాటిళ్లు తెప్పించాడు. బర్త్డే పార్టీకి బంజారాహిల్స్కు చెందిన కిశోర్ ద్వారా హైటెక్సిటీలోని క్లౌడ్–9 సర్వీస్ అపార్ట్మెంట్లో ఫ్లాట్ బుక్ చేశాడు. బుధవారం అర్ధరాత్రి రేవ్ పార్టీ మొదలుపెట్టాడు. సమాచారం అందడంతో ఎక్సైజ్ స్పెషల్ టాస్క్ఫోర్స్ రైడ్ చేసి 14 మంది యువకులు, ఆరుగురు యువతులను అదుపులోకి తీసుకున్నారు.
1.0 గ్రాము కొకైన్,0.84 గ్రాముల ఓజీకుష్, 2 గ్రాముల ఎండీఎంఏను స్వాధీనం చేసుకున్నారు. కొంత కొకైన్, ఎండీఎంఏను అప్పటికే ఉపయోగించినట్లు అధికారులు గుర్తించారు. నాగరాజు, సాయికుమార్, ఇమాన్యూయల్, కిశోర్, నితిన్ ను అరెస్ట్ చేశారు. 12 ఫారిన్ లిక్కర్ బాటిళ్లు, ఇన్నోవాను స్వాధీనం చేసుకున్నారు.
