హైదరాబాద్ క్రికెట్ అభిమానులకు మరోసారి షాక్ తగిలింది. టికెట్లు అమ్మకానికి పెట్టిన మరుక్షణంలోనే సోల్ట్ అవుట్ అయ్యాయి. అయితే ఉప్పల్ మ్యాచ్ టికెట్స్ దొరక్కుండా కుట్ర చేస్తున్నారని ఫ్యాన్స్ మండిపడుతున్నారు. ఉప్పల్ లో ఏప్రిల్ 25న బెంగళూరు తో, మే 2 న రాజస్థాన్ జట్లతో SRH మ్యాచ్ లు ఉన్నాయి. వీటికి సంబంధించిన టికెట్లు paytm లో అమ్మకానికి పెట్టారు నిర్వాహకులు. టికెట్స్ ఇలా పెట్టారో లేదో అప్పుడే సోల్డ్ అవుట్ చూపిస్తోందని అవేదన వ్యక్తం చేస్తున్నారు ఫ్యాన్స్. Paytm లో ఎన్ని టికెట్స్ పెట్టారో SRH టీం మేనేజ్మెంట్ లెక్క చెప్పడం లేదన్న ఆరోపణలొస్తున్నాయి. బ్లాక్ లో టికెట్స్ అమ్ముకుంటున్నారంటూ ఫైర్ అవుతున్నారు ఫ్యాన్స్.
ప్రస్తుతం ఐపీఎల్ లో రైజర్స్ ఆకట్టుకునే ప్రదర్శన చేస్తుంది. ప్యాట్ కమ్మిన్స్ సారధ్యంలో ఇప్పటివరకు ఆడిన 5 మ్యాచ్ ల్లో మూడు విజయాలు సాధించింది. సన్ రైజర్స్ తమ తర్వాత మ్యాచ్ ను రాయల్ ఛాలెంజర్స్ బెంగళూరుతో తలపడుతుంది. బెంగళూరులోని చిన్నస్వామి వేదికగా ఈ మ్యాచ్ జరుగుతుంది. ఢిల్లీ వేదికగా 20 న ఢిల్లీ క్యాపిటల్స్ తో మ్యాచ్ తర్వాత ఏప్రిల్ 25 న సొంతగడ్డపై ఆర్సీబీతో మ్యాచ్ ఆడుతుంది. ప్రస్తుతం 6 పాయింట్లతో పాయింట్ల పట్టికలో ఐదో స్థానంలో ఉంది.
