ఐపీఎల్ 18 సీజన్లో భాగంగా బెంగుళూరులోని చిన్నస్వామి స్టేడియం వేదికగా గుజరాత్ టైటాన్స్తో జరుగుతోన్న మ్యాచులో ఆర్సీబీ టాపార్డర్ చేతులేత్తేసింది. గుజరాత్ బౌలర్లు కట్టుదిట్టమైన బంతులు విసరడంతో సొంతగడ్డపై ఆర్సీబీ టాపార్డర్ కుప్పకూలింది. లీగ్ తొలి రెండు మ్యాచుల్లో పవర్ ప్లేలో భారీ పరుగులు చేసిన ఆర్సీబీ.. ఈ మ్యాచులో మూడు వికెట్లు కోల్పోయి 36 రన్సే చేసింది. ఈ మ్యాచులో టాస్ ఓడి ఆర్సీబీ మొదట బ్యాటింగ్కు దిగింది. భారీ అంచనాలతో బరిలోకి దిగిన విరాట్ కోహ్లీ (7) నిరాశపర్చాడు.
కోహ్లీ తొలి ఓవర్లోనే ఫోర్ట్ కొట్టి జోష్లో కనిపించగా ఆ సంతోషం ఎంతోసేపు నిలవలేదు. సెకండ్ ఓవర్లోనే బ్యాక్ స్వేర్ లెగ్లో షాట్కు యత్నించిన యంగ్ బౌలర్ అర్షద్ ఖాన్ బౌలింగ్లో క్యాచ్ ఔట్ అయ్యాడు. ఆ తర్వాత క్రీజులోకి వచ్చిన దేవదత్ పడిక్కల్ వచ్చి రావడంతోనే ఫోర్ కొట్టి ఊపు మీద కనిపించాడు. ఈ క్రమంలో మహ్మద్ సిరాజ్ బౌలింగ్లో భారీ షాట్ ఆడబోయి క్లీన్ బౌల్డ్ అయ్యాడు. ఈ దశలో కెప్టెన్ పటిదార్, ఓపెనర్ సాల్ట్ ఆచీతూచీ ఆడారు. కానీ వరుస ఓవర్లో వీరిద్దరి ఔట్ అయ్యారు.
12 పరుగులు చేసిన పటిదార్ ఇషాంత్ శర్మ బౌలింగ్లో ఎల్బీ రూపంలో ఔట్ అయ్యాడు. మహ్మద్ సిరాజ్ బౌలింగ్లో 105 మీటర్ల భారీ సిక్సర్ కొట్టి స్పీడ్ పెంచిన సాల్ట్.. ఆ తర్వాతి బంతికే క్లీన్ బౌల్డ్ అయ్యాడు. ప్రస్తుతం ఆర్సీబీ 9.3 ఓవర్లో 4 వికెట్ల నష్టానికి 71 పరుగులు చేసింది. క్రీజులో జితేశ్ శర్మ (23), లివింగ్ స్టోన్ (8) ఉన్నారు. గుజరాత్ బౌలర్లలో మహ్మద్ సిరాజ్ 2 వికెట్లు తీయగా.. ఇషాంత్ శర్మ, అర్షద్ ఖాన్ చెరో వికెట్ పడగొట్టారు.
