ఫొటోలు, వీడియోలు, ఆడియోలు వాట్సాప్లో షేర్ చేసుకుంటున్నాం. అయితే మెసేజెస్ యాప్ కూడా ఈ సర్వీస్లను అందుబాటులోకి తెచ్చింది. అందుకోసం రిచ్ కమ్యూనికేషన్ సర్వీసెస్ (ఆర్సీఎస్)ని తీసుకొచ్చింది. ఇక నుంచి ఎస్ఎంఎస్, ఎంఎంఎస్ ద్వారా టెక్స్ట్ మెసేజ్లు మాత్రమే వాడేవాళ్లు. అదే ఆర్సీఎస్లో రీడ్ రిసిప్ట్స్, టైపింగ్ ఐకాన్స్, హై క్వాలిటీ మీడియా షేర్, గ్రూప్ చాట్స్ వంటి రకరకాల ఫీచర్లు అందుబాటులో ఉంటాయి. దీని ఇతర యాప్లను డౌన్లోడ్ చేసుకోవాల్సిన అవసరం లేదు. ఫోన్ డిఫాల్ట్ మెసేజెస్ యాప్తోనే నచ్చిన మెసేజ్లు సెండ్ చేయొచ్చు.
ఎనేబుల్ ఇలా..
ఈ ఫీచర్ని ఎనేబుల్ చేయాలంటే డిఫాల్ట్ మెసేజెస్ యాప్ ఓపెన్ చేసి, కుడివైపు పైన కనిపించే ప్రొఫైల్ పిక్చర్ మీద ట్యాప్ చేయాలి. తర్వాత మెసేజెస్ సెట్టింగ్స్లోకి వెళ్లి ఆర్సీఎస్ చాట్స్ మీద ట్యాప్ చేయాలి. ఎడమవైపు బటన్ని ట్యాప్ చేసి టర్న్ ఆన్ చేయాలి. ఫోన్ నెంబర్ కన్ఫర్మ్ చేయాలి. అప్పుడు స్టేటస్ కనెక్టెడ్ అని చూపిస్తుంది. ఐఒఎస్ 18, ఆ తర్వాతి ఫోన్లకు మెసేజెస్ సెట్టింగ్స్ ద్వారా దీన్ని ఎనేబుల్ చేసుకోవచ్చు. సెట్టింగ్స్ను ఓపెన్ చేసి కిందికి స్క్రోల్ చేస్తూ యాప్స్లో మెసేజెస్ను సెలక్ట్ చేయాలి. టెక్స్ట్ మెసేజింగ్ మెనులో కింద ఆర్సీఎస్ మెసేజింగ్ ఆప్షన్ కనిపిస్తుంది. బటన్ని ఆన్ చేస్తే ఎనేబుల్ అవుతుంది.
