ఒప్పోకు చెందిన కో బ్రాండ్‌ ‘రియల్‌ మి’ నుంచి త్వరలో వైర్‌‌‌‌లెస్‌ ఇయర్‌‌‌‌బడ్స్‌ విడుదల కానున్నాయి. ఈ నెల 20న ‘యూత్‌ బడ్స్‌’ పేరుతో వీటిని మార్కెట్లోకి తేనుంది. ‘రియల్‌‌మి’కి పోటీగా ఉన్న ‘షావోమీ’ కూడా త్వరలోనే వైర్‌‌‌‌లెస్‌ ఇయర్‌‌‌‌బడ్స్‌‌ను మార్కెట్లోకి రిలీజ్‌ చేయబోతుంది. ‘ఎయిర్డాట్స్’ పేరుతో చైనాలో ఇప్పటికే ఇవి విడుదలయ్యాయి. అయితే షావోమీ ‘ఎయిర్డాట్స్’ దేశంలో ఎప్పుడు అందుబాటులోకి వస్తాయో ఇంకా క్లారిటీ లేదు.
రియల్‌ మి సంస్థ ‘యూత్‌‌బడ్స్’తోపాటు ‘రియల్‌ మి బడ్స్‌ వైర్‌‌‌‌లెస్‌’, ‘రియల్‌ మి బడ్స్‌2’ వంటి ప్రొడక్ట్స్‌‌ను కూడా ఇప్పటికే రిలీజ్‌ చేసింది. ‘యూత్‌ బడ్స్‌’ డిజైనింగ్‌ విషయంలో ‘సామ్‌‌సంగ్‌ గెలాక్సీ బడ్స్‌’ను పోలి ఉన్నాయి. దేశంలో వీటి ధర సుమారు ఐదు వేల రూపాయల్లోపు ఉండే అవకాశం ఉంది.
