5జీ స్మార్ట్ ఫోన్లైన రియల్ మీ14 ప్రొ, రియల్ మీ 14 ప్రొ ప్లస్ అనే సరికొత్త సిరీస్లు మార్కెట్లోకి అతి త్వరలో రాబోతున్నాయి. ఈ ఫోన్లలో స్పెషాలిటీ ఏంటంటే.. మొదటిది యునీక్ పెరల్ డిజైన్ ఉంటుంది. దీనిలో పెర్ల్ వైట్ వేరియంట్‌ స్పెషల్ షేప్లో ఉంటుంది. ఆ షేప్ సీషెల్ పౌడర్ నుంచి తీసుకున్నారట. ఈ ఫోన్ చూడడానికి చాలా సన్నగా ఉంటుంది. ప్రతి ఫోన్ వెనక ప్యానెల్పై డిఫరెంట్ మోడల్ ఉంటుంది. ఇది నేచురల్ సీ షెల్స్లాగే కనిపిస్తుంది. దీన్ని 30 డిగ్రీల ఫ్యూజన్ ఫైబర్ ప్రక్రియ ద్వారా డిజైన్ చేశారు. ఇందులో 95 శాతం పర్యావరణ అనుకూలమైన, బయో బేస్డ్ మెటీరియల్స్ను ఉపయోగించారు. ఈ డిజైన్ వర్క్స్‌ కారణంగా స్మార్ట్ ఫోన్ లుక్ కంప్లీట్ డిఫరెంట్గా మారుతుంది. ఇది కస్టమర్కు ప్రీమియం ఎక్స్పీరియెన్స్ ఇస్తుందట!
ఇక రియల్ మీ 14 ప్రొ ప్లస్ విషయానికొస్తే.. సెగ్మెంట్ – ఫస్ట్ క్వాడ్– కర్వ్ డిస్ప్లే, స్క్రీన్ టు బాడీ రేషియో 93.8 శాతం కలిగి ఉంటుంది. ఈ డిస్ప్లే యూజర్లకు ఎడ్జ్ స్వైపింగ్ కంఫర్ట్ ఇస్తుంది. అలాగే దీనికి ఓషన్ ఒకులస్ ట్రిపుల్ కెమెరా సిస్టమ్ ఉంటుంది. ఇందులో కొత్త మ్యాజిక్ గ్లో ట్రిపుల్ ఫ్లాష్ టెక్నాలజీ ఉంటుంది. ఈ ఫ్లాష్ తక్కువ వెలుతురులో కూడా ఎక్కువ కాంతితో మంచి ఫొటోలు తీస్తుంది. ఇది నీళ్లలో తడిసినా, దుమ్ములో పడినా ఫోన్కి ఏం కాదు. ఎందుకంటే ఇది వాటర్, డస్ట్ ప్రూఫ్.
దాంతోపాటు ఈ ఫోన్లలో ఇంట్రెస్టింగ్ ఏంటంటే... వీటి వెనుక ఉన్న బ్యాక్ డిజైన్ మోడర్న్ థర్మోక్రోమిక్ పిగ్మెంట్లతో డిజైన్ చేసి ఉంటుంది. ఇవి టెంపరేచర్లో మార్పులను బట్టి వాటి రంగును మారుస్తాయి. టెంపరేచర్16 డిగ్రీల కంటే తక్కువ ఉంటే, వెనక కవర్ పెర్ల్ వైట్ నుంచి వైబ్రంట్ బ్లూకి మారుతుంది. టెంపరేచర్ పెరిగేకొద్దీ అది తిరిగి అదే రంగులోకి వచ్చేస్తుంది. భలే ఉందే..! కొనేద్దాం అనుకుంటున్నారా.. ఒక్క క్షణం ఆగండి. ఈ ఫోన్లు ప్రస్తుతం మార్కెట్లో అందుబాటులో లేవు. జనవరి16న ఇండియాలో లాంచ్ చేయబోతున్నారు. రియల్ మీ వెబ్ సైట్, ఫ్లిప్ కార్ట్ యాప్లలో అందుబాటులో ఉంటుందని కంపెనీ అనౌన్స్ చేసింది.
