ఇబ్రహీంపట్నం/ఖైరతాబాద్, వెలుగు: స్టూడెంట్ల జీవితాలతో చెలగాటమాడుతున్న గురునానక్ విద్యా సంస్థల గుర్తింపును వెంటనే రద్దు చేయాలని ఏబీవీపీ రాష్ట్ర కార్యదర్శి ఝాన్సీ డిమాండ్ చేశారు. రంగారెడ్డి జిల్లా ఇబ్రహీంపట్నంలో ఏబీవీపీ ఆధ్వర్యంలో సోమవారం మీడియా సమావేశం నిర్వహించగా ఝాన్సీ పాల్గొని మాట్లాడారు. ఎలాంటి అనుమతులు తీసుకోకుండానే 4 వేల మంది స్టూడెంట్ల అడ్మిషన్లు తీసుకొని వారిని మోసం చేసిన గురునానక్ విద్యాసంసంస్థల గుర్తింపును వెంటనే రద్దు చేయాలన్నారు. బాధిత స్టూడెంట్లకు వెంటనే న్యాయం చేయాలని ఆమె డిమాండ్ చేశారు. న్యాయం కోరుతూ నిరసనలు తెలిపిన విద్యార్థి నాయకులపై అక్రమ కేసులు నమోదు చేయడం సిగ్గుచేటన్నారు.
ALSO READ:ఆప్టియోను $4.6 బిలియన్లకు కొనుగోలు చేసిన IBM
కార్యక్రమంలో ఏబీవీపీ హైదరాబాద్ సెక్రటరీ శ్రీకాంత్ తదితరులు పాల్గొన్నారు. అయితే, వీరంతా గురునానక్కాలేజ్ వద్ద నిరసన తెలుపుతారనే అనుమానంతో పోలీసులు ముందస్తుగా వారిని అరెస్ట్చేసి పహడీ షరీఫ్పీఎస్కు తరలించారు. అనుమతులు లేని వర్సిటీలపై క్రిమినల్ కేసులు నమోదు చేయాలని టీజేఎస్ విద్యార్థి విభాగం రాష్ట్ర అధ్యక్షుడు సర్దార్ వినోద్ కుమార్ ప్రభుత్వాన్ని డిమాండ్ చేశారు. సోమాజిగూడ ప్రెస్క్లబ్లో ఆయన మాట్లాడుతూ.. గురునానక్, శ్రీనిధి కాలేజీలపై చర్యలు తీసుకోవాలని లేకపోతే విద్యాశాఖ ఆఫీసులు, మంత్రుల ఇండ్లను ముట్టడిస్తామని హెచ్చరించారు.
