హైదరాబాద్, వెలుగు: మల్టీ బ్రాండ్ మొబైల్ రిటైల్ చెయిన్ సెల్‌‌‌‌‌‌‌‌బేలో రెడ్మీ 12 సిరీస్ ఫోన్ల అమ్మకాలు మొదలయ్యాయి. హైదరాబాద్లోని గచ్చిబౌలి షోరూమ్లో శుక్రవారం రెడ్ మీ 12 5జీ గ్రాండ్ లాంచ్ కార్యక్రమం జరిగింది. దీనికి నటి కామ్నా జెఠ్మలాని చీఫ్ గెస్ట్గా వచ్చారు. లాంచ్ సందర్భంగా సెల్‌‌‌‌‌‌‌‌బే మేనేజింగ్ డైరెక్టర్ సోమ నాగరాజు హ్యాండ్‌‌‌‌‌‌‌‌సెట్ వివరాలను తెలియజేశారు. ఈ ఫోన్ భారతదేశంలో 5జీ కనెక్టివిటీని మరింత ముందుకు తీసుకెళ్తుందని అన్నారు.
రెడ్ మీ 12 5జీ ఫోన్లో 6.79 ఇంచుల డిస్ప్లే, కార్నింగ్ గొరిల్లా గ్లాస్ బిల్డ్, ఐపీ53 రేటింగ్ వంటి ప్రత్యేకతలు ఉన్నాయని సెల్‌‌‌‌‌‌‌‌బే స్ట్రాటజీ & ప్లానింగ్ డైరెక్టర్ సుహాస్ నల్లచెరు తెలిపారు. అంతేగాక క్వాల్కామ్ స్నాప్డ్రాగన్ 4 జెన్ 2 చిప్‌‌‌‌‌‌‌‌సెట్, 8జీబీ ర్యామ్, 256 జీబీ స్టోరేజీ ఉంటాయి. 18వాట్ల వైర్డ్ ఫాస్ట్ ఛార్జింగ్ సపోర్ట్‌, 5,000 ఎంఏహెచ్ బ్యాటరీ, ఆండ్రాయిడ్ ఆధారిత ఎంఐయూఐ 14 ఓఎస్ ఉంటాయి. 4జీబీ + 128జీబీ వేరియంట్ ధర రూ. 10,999 కాగా, 6జీబీ + 128జీబీ వేరియంట్ ధర రూ. 12,499. హైఎండ్ మోడల్ 8జీబీ + 256జీబీ వేరియంట్ ధర రూ. 14,999. కొన్ని కార్డులతో కొంటే డిస్కౌంట్లు కూడా ఉన్నాయని సుహాస్ చెప్పారు.
