పాల్వంచ రూరల్, వెలుగు: రాష్ట్రంలో అరవై ఏళ్లలో చేయని అభివృద్ధి కేవలం తొమ్మిదేళ్లలోనే సీఎం కేసీఆర్అన్ని రంగాల్లో చేసి చూపించారని ప్రభుత్వ విప్ రేగా కాంతారావు అన్నారు. రాష్ట్ర ఆవిర్భావ దశాబ్ది వేడుకల్లో భాగంగా ఆదివారం మండలంలోని తోగ్గూడెంలో నిర్వహించిన మంచినీళ్ల పండుగలో ఆయనతోపాటు కలెక్టర్ అనుదీప్ ముఖ్య అతిథులుగా పాల్గొన్నారు. అభివృద్ధి కళ్లెదుట కనిపిస్తున్నా విమర్శించడం తగదన్నారు. మిషన్భగీరథ ద్వారా తాగునీటి సమస్యను పరిష్కరించిన ఘనత సీఎందేనన్నారు. అనంతరం కలెక్టర్అనుదీప్, ఎమ్మెల్యేలు వనమా వెంకటేశ్వరరావు, హరిప్రియ మాట్లాడారు. సాగునీటి ప్రాజెక్టుల ద్వారా దాహార్తిని తీర్చినట్లు పేర్కొన్నారు. అంతకు ముందు తోగ్గూడెంలో మిషన్ భగీరథ నీటిశుద్ది కేంద్రాన్ని వారు పరిశీలించారు. ప్రోగ్రాంలో జడ్పీ వైస్ చైర్మన్కంచర్ల చంద్రశేఖర్, జిల్లా గ్రంథాలయ చైర్మన్ దిండిగల రాజేందర్, జడ్పీటీసీ వాసుదేవరావు పాల్గొన్నారు.
మన్యంలో మంచినీళ్ల పండుగ..
భద్రాచలం: మిషన్భగీరథ ఆఫీసర్లు పట్టణంలో ఆదివారం ర్యాలీ తీశారు. పాండువుల గుట్ట నీటి నిల్వ శుద్ధి కేంద్రం వద్ద నిర్వహించిన గ్రామసభలో మిషన్భగీరథ, బోరు నీరు మధ్య ఉన్న తేడాను వివరించారు. మిషన్భగీరథలో పని చేసే కార్మికులను సన్మానించారు. స్పెషల్ ఆఫీసర్నాగలక్ష్మి, మిషన్భగీరథ ఈఈ శ్రీనివాసరావు, పంచాయతీ ఈవో వెంకటేశ్వర్లు
పాల్గొన్నారు.
