సోమవారం సెక్రటేరియెట్లో మంత్రి కోమటిరెడ్డి వెంకట్ రెడ్డి మీడియాతో మాట్లాడారు. ‘‘కేటీఆర్ అరెస్ట్అయినా.. ఇంకెవరైనా చట్ట ప్రకారం ముందుకు పోతం. ఆర్ఆర్ఆర్ ప్రాజెక్టు డైరెక్టర్గా ఆర్ అండ్ బీ స్పెషల్ సెక్రటరీ దాసరి హరిచందనను నియమించాం. భద్రాద్రి కొత్తగూడెం, రామగుండంలో గ్రీన్ ఫిల్డ్ ఎయిర్ పోర్టులను నిర్మిస్తామని, మామునూరు, భద్రాద్రి కొత్తగూడెం, రామగుండం కలిపి మొత్తం మూడు ఎయిర్‌‌‌‌‌‌‌‌‌‌‌‌‌‌‌‌పోర్టులన వుచ్చే 4 ఏండల్లో అందుబాటులోకి తెస్తం. ఉప్పల్ ఎలివేటెడ్ కారిడార్ను ఏడాదిన్నరలో అందుబాటులోకి తీసుకువస్తాం.
మంగళవారం వరంగల్ జిల్లాకు వెళ్తున్న సీఎం రేవంత్ రెడ్డి దాదాపు రూ.4 వేల కోట్ల విలువైన పనులకు శంకుస్థాపన చేయనున్నారు. వీటిలో ఒక్క ఆర్ అండ్ బీ పరిధిలోనే రూ.569 కోట్ల పనులున్నాయి’’ అని మంత్రి కోమటి రెడ్డి పేర్కొన్నారు. ఇక కిషన్ రెడ్డి కేంద్ర మంత్రి కాదని.. గల్లీ మంత్రిలాగా 27 రోజులుగా హైదరాబాద్ గల్లీలు తిరుగుతున్నారని ఎద్దేవా చేశారు. బషీర్ బాగ్ లో రైతులపై కాల్పులు జరిపించిన కేసీఆర్.. ఇప్పుడు రైతులపై దొంగప్రేమను ఒలకబోస్తున్నారని ఆగ్రహం వ్యక్తం చేశారు.
