- ప్రతి దవాఖానకూ ఓ నంబర్
- డాక్టర్లు, స్టాఫ్వివరాల సేకరణ
- మెడికల్ ఆఫీసర్ పేర సర్కారు ఆస్పత్రి రిజిస్ట్రేషన్
యాదాద్రి, వెలుగు : నకిలీ డాక్టర్ల ఆగడాలకు చెక్ పెట్టేందుకు ప్రైవేట్ హాస్పిటళ్లతో పాటు ప్రభుత్వ దవాఖానల రిజిస్ట్రేషన్ ను మెడికల్, హెల్త్ డిపార్ట్మెంట్ తప్పనిసరి చేసింది. తెలంగాణ క్లినికల్ ఎస్టాబ్లిష్మెంట్ యాక్ట్ (టీసీఈఏ) ప్రకారం హాస్పిటళ్లలో అందిస్తున్న సేవలు, డాక్టర్లు, నర్సులు, పారామెడికల్ స్టాఫ్ వివరాలు కూడా తీసుకుంటోంది. నకిలీ వైద్యులను నియత్రించడానికి అప్పటి కేంద్ర ప్రభుత్వం 2010లో క్లినికల్ ఎస్టాబ్లిష్మెంట్ యాక్ట్ తెచ్చింది. ఈ చట్టం అమలుకు సంబంధించి రూల్స్ప్రేమ్ చేస్తూ తెలంగాణ పబ్లిక్ హెల్త్, ఫ్యామిలీ వెల్ఫేర్ డిపార్ట్మెంట్ 2022 జూన్ 14న 64 నంబర్జీవో తీసుకొచ్చింది.
ఈ రూల్స్ ప్రకారం ప్రైవేట్తో పాటు ఎయిమ్స్, రైల్వే, జిల్లా, ఏరియా హాస్పిటల్స్, పీహెచ్సీ, సీహెచ్సీ, పల్లె, బస్తీ దవాఖాన తప్పని సరిగా రిజిస్ట్రేషన్ చేయించాలి. ఆయుష్ దవాఖానాతో పాటు టీ హబ్, ల్యాబ్లకు కూడా ఈ రూల్స్ వర్తిస్తాయి. రిజిస్ట్రేషన్ నిబంధన నుంచి ఆర్మీ హాస్పిటల్స్కు మాత్రమే మినహాయింపు ఉంటుంది. 2022లోనే జీవో విడుదలైనా.. వివిధ కారణాలతో రిజిస్ట్రేషన్ ప్రక్రియ జరగలేదు. ఇటీవలే ఈ ప్రక్రియ ఊపందుకుంది.
ప్రతి జిల్లాలో డీఆర్ఏ
ఆస్పత్రుల రిజిస్ట్రేషన్ కోసం ప్రతి జిల్లాలో డిస్ట్రిక్ రిజిస్టరింగ్అథారిటీ(డీఆర్ఏ) ఏర్పాటు చేసింది. దీనికి జిల్లా కలెక్టర్ చైర్మన్గా ఉంటారు. డీఎంహెచ్వో కన్వీనర్గా, ఎస్పీ లేదా డీసీపీ, ఐఎంఏ ప్రెసిడెంట్, ఇద్దరు అడిషనల్ కలెక్టర్లు సభ్యులుగా ఉంటారు. రిజిస్ట్రేషన్ కోసం అన్ని ప్రైవేట్, ప్రభుత్వ హాస్పిటల్స్, టీ హబ్, ల్యాబ్లు డీఆర్ఏకు అప్లికేషన్ చేసుకోవాలి. హాస్పిటల్స్ఉన్న ప్రదేశం, వాటి సేవల ఆధారంగా ఫీజు నిర్ణయించారు. మెట్రో, ఆర్బన్, రూరల్, ట్రైబల్ ఏరియాను బట్టి.. బెడ్స్సంఖ్య, అందించే సర్వీస్కు అనుగుణంగా అప్లికేషన్ ఫీజు రూ. 500 నుంచి రూ. 16 వేల వరకు ఖరారు చేశారు.
రిజిస్ట్రేషన్ కోసం డాక్టర్లు, ఇతర స్టాప్ వివరాలు, డాక్టర్ల మెడికల్ కౌన్సిల్ సర్టిఫికెట్లు, పారా మెడికల్ స్టాఫ్, నర్సులకు సంబంధించి పారా మెడికల్ బోర్డ్, నర్సింగ్ కౌన్సిల్ సర్టిఫికెట్లను అందించాలి. ప్రైవేట్ హాస్పిటల్స్ యాజమాన్యాలు స్పెషలిస్ట్ డాక్టర్లు, స్టాఫ్ డిటైల్స్తో పాటు 21 రకాల డాక్యుమెంట్స్ సమర్పించవలసిఉంటుంది. హాస్పిటల్ ఓనర్, కల్పిస్తున్న సౌకర్యాలు, ఎక్విప్మెంట్, బిల్డింగ్ అనుమతులు, రెంట్ అగ్రిమెంట్, ఫైర్, పీసీబీ అనుమతులు, బయో మెడికల్ వేస్టేజ్ మేనేజ్మెంట్ అగ్రిమెంట్, రెండేండ్ల ఆడిట్ రిపోర్ట్ఇవ్వాలి.
ఆస్పత్రిలో ఏ ట్రీట్మెంట్కు ఎంత ఫీజు వసూలు చేస్తున్నారన్న డిస్ప్లే ఫొటో కూడా జత చేయాలి. హాస్పిటల్ అప్లికేషన్ను డీఆర్ఏ పరిశీలించి ప్రభుత్వ హాస్పిటల్ అయితే మెడికల్ ఆఫీసర్, ప్రైవేట్ హాస్పిటల్ అయితే ఓనర్ పేరిట రిజిస్ట్రేషన్ చేసి ఓ నెంబర్ కేటాయిస్తోంది. హాస్పిటల్స్ను రిజిస్ట్రేషన్ చేయడంతో పాటు తిరస్కరించే, రిజిస్ట్రేషన్ను తాత్కాలికంగా నిలిపివేసే, పూర్తిగా రద్దు చేసే అధికారం కూడా డీఆర్ఏకు ఉంది.
ఈ రిజిస్ట్రేషన్ వల్ల ప్రైవేట్ దవాఖానాల్లో వసూళ్లు, అనర్హులైన వారితో ట్రిట్మెంట్ చేయించడం, నకిలీ డాక్టర్ల వ్యవహారానికి బ్రేక్ పడుతుందని భావిస్తున్నారు. ఒకే డాక్టర్ వేర్వేరు చోట్ల ట్రీట్మెంట్చేస్తున్నా, ప్రభుత్వ డాక్టర్లు ప్రైవేట్ ప్రాక్టీస్చేస్తున్నా
తెలిసిపోతుంది.
చర్యలు తీసుకోవడ ఈజీ
ప్రభుత్వ, ప్రైవేట్ హాస్పిటల్స్ రిజిస్ట్రేషన్కొనసాగుతోంది. దీని వల్ల డాక్టర్లు, హాస్పిటల్స్కు సంబంధించిన పూర్తి వివరాలు డీఆర్ఏ వద్ద ఉంటాయి. ఎక్కడ ఏం జరిగినా వెంటనే తెలిసిపోతుంది. తక్షణమే చర్య తీసుకునే అవకాశం ఉంటుంది.
డాక్టర్ మనోహర్, డీఎంహెచ్వో, యాదాద్రి
