హైదరాబాద్: గ్రూప్-3 ఎగ్జామ్కు సంబంధించి అభ్యర్థులకు తెలంగాణ పబ్లిక్ సర్వీస్ కమిషన్ బిగ్ అప్డేట్ ఇచ్చింది. ఈ నెల (నవంబర్) 17, 18వ తేదీల్లో జరగనున్నా గ్రూప్ 3 పరీక్ష హాల్ టికెట్లను ఆదివారం (నవంబర్ 10) విడుదల చేసింది. టీజీపీఎస్సీ అధికారిక సైట్ నుండి అభ్యర్థులు హాల్ టికెట్స్ డౌన్ లోడ్ చేసుకోవచ్చని తెలిపింది. హాల్ టికెట్ డౌన్ లోడ్ సమయంలో ఏదైనా సమస్య తలెత్తితే అధికారులను సంప్రదించాలని సూచించింది టీజీపీఎస్సీ.
కాగా, రాష్ట్రవ్యాప్తంగా 1,380 పోస్టుల భర్తీకి జరిగే గ్రూప్ 3 పరీక్షలు నవంబర్17, 18 తేదీల్లో నిర్వహించేందుకు తెలంగాణ పబ్లిక్ సర్వీస్ కమిషన్ (టీజీపీఎస్సీ) ఏర్పాట్లు పూర్తి చేసింది. మొత్తం 5.36 లక్షల మందికిపైగా దరఖాస్తు చేసుకున్నారు. నవంబర్ 17న రెండు పేపర్లు నిర్వహించనున్నారు. ఉదయం 10 గంటల నుంచి మధ్యాహ్నం 12.30 గంటల వరకు పేపర్ 1, మధ్యాహ్నం 3 గంటల నుంచి సాయంత్రం 5.30 గంటల వరకు పేపర్ 2 ఎగ్జామ్ జరగనుంది.
రెండో రోజు నవంబర్ 18న ఉదయం 10 గంటల నుంచి మధ్యాహ్నం 12.30 గంటల వరకు పేపర్ 3 ఎగ్జామ్ నిర్వహించనున్నారు. పరీక్ష టైంకు గంటన్నర ముందే సెంటర్లోకి అభ్యర్థులను అనుమతిస్తారు. అరగంట ముందే గేట్లు క్లోజ్ చేయనున్నారు. అభ్యర్థులు హాల్ టికెట్తో పాటు, క్వశ్చన్ పేపర్లను సెలెక్షన్ ప్రాసెస్ పూర్తయ్యే వరకు జాగ్రత్తగా పెట్టుకోవాలన్నారు.
