ట్రాయ్ ఆదేశాలతో రెండు వాయిస్ ఓన్లీ ప్రీపెయిడ్ ప్లాన్లను అందుబాటులోకి తీసుకొచ్చిన రిలయన్స్ జియో 189 రూపాయల ప్లాన్ను తొలగించి విమర్శల పాలైంది. చడీచప్పుడు లేకుండా తీసుకున్న ఈ నిర్ణయంపై కస్టమర్ల నుంచి తీవ్ర వ్యతిరేకత రావడంతో జియో యాజమాన్యం దిగొచ్చింది. 28 రోజుల వ్యాలిడిటీతో కూడిన 189 రూపాయల రీఛార్జ్ ప్లాన్ను మళ్లీ అందుబాటులోకి తీసుకొచ్చింది. జియో వెబ్సైట్లో 189 రూపాయల రీఛార్జ్ ప్లాన్ను ఉంచింది.
189 రూపాయల ప్లాన్ బెన్ఫిట్స్ ఇవి:
* ప్యాక్ వ్యాలిడిటీ-28 రోజులు
* టోటల్ హై స్పీడ్ డేటా-2జీబీ
* అన్ లిమిటెడ్ వాయిస్ కాల్స్
* 300 ఉచిత ఎస్ఎంఎస్లు
జియోపై 189 రూపాయల ప్లాన్ ఎత్తేసినందుకు విమర్శలు రావడానికి కారణాలు లేకపోలేదు. డేటా పెద్దగా అవసరం లేని కస్టమర్లు, కేవలం యూపీఐ ట్రాన్షాక్షన్ల కోసం మాత్రమే డేటాను ఉపయోగించుకునే కస్టమర్లు, ఇంట్లో.. ఆఫీస్లో వైఫై సదుపాయం ఉన్న కస్టమర్లు కూడా యూజర్లలో ఉంటారు. అలాంటి కస్టమర్లు నెలకు 2 జీబీ డేటా వచ్చినా సరిపెట్టుకుంటూ, పొదుపుగా వినియోగించుకుంటూ 189 రూపాయల ప్లాన్తో రీఛార్జ్ చేసుకుని రీఛార్జ్ భారాన్ని కొంతైనా తగ్గించుకుంటూ ఉంటారు.
అలాంటి వాళ్లకు 189 రూపాయల ప్లాన్ లో అందుబాటులో లేకుండా చేసి, 84 రోజుల, 336 రోజుల వాయిస్ ఓన్లీ ప్లాన్లను మాత్రమే అందుబాటులో ఉంచడంపై జియోపై తీవ్ర విమర్శలు వ్యక్తమయ్యాయి. జియో అత్యాశకు అంతూపొంతూ లేకుండా పోతుందని కొందరు కస్టమర్లు సోషల్ మీడియా వేదికగా ఏకిపడేశారు. కస్టమర్ల ఫీడ్ బ్యాక్తో ఠారెత్తిపోయిన జియో మొదటికే మోసం వచ్చేలా ఉందని మళ్లీ 189 రూపాయల రీఛార్జ్ ప్లాన్ను అందుబాటులోకి తెచ్చింది. జియో తీసుకొచ్చిన వాయిస్ ఓన్లీ ప్లాన్ల ధరల వివరాలు ఇలా ఉన్నాయి.
448 రూపాయల జియో వాయిస్ ఓన్లీ ప్రీపెయిడ్ ప్లాన్ డీటైల్స్:
* ప్యాక్ వ్యాలిడిటీ-84 రోజులు
* డేటా-నిల్
* అన్ లిమిటెడ్ వాయిస్ కాల్స్
* 1000 ఉచిత ఎస్ఎంఎస్లు
1748 రూపాయల జియో వాయిస్ ఓన్లీ ప్రీపెయిడ్ ప్లాన్ డీటైల్స్:
* ప్యాక్ వ్యాలిడిటీ-336 రోజులు
* డేటా-నిల్
* అన్ లిమిటెడ్ వాయిస్ కాల్స్
* 3600 ఉచిత ఎస్ఎంఎస్లు
