ముంబై: రిలయన్స్ ఇండస్ట్రీస్ లిమిటెడ్ (ఆర్ఐఎల్) కొత్తగా ఒక ఇన్ఫ్రాస్ట్రక్చర్ ఇన్వెస్ట్మెంట్ ట్రస్ట్ (ఇన్విట్) ఏర్పాటు చేసే ప్రాసెస్ మొదలెట్టింది. వేర్హౌసింగ్, లాజిస్టిక్స్ ఎసెట్ల మానిటైజేషన్ కోసమే ప్రత్యేకంగా ఈ ఇన్విట్పెడుతున్నట్లు పరిశ్రమ వర్గాలు వెల్లడించాయి. రిలయన్స్ గ్రూప్లోని కంపెనీ రిలయన్స్ రిటైల్ ఫిబ్రవరి నెలలోనే ఒక ట్రస్ట్ను సెక్యూరిటీస్ అండ్ ఎక్స్చేంజ్ బోర్డ్ ఆఫ్ ఇండియా (సెబీ) వద్ద రిజిస్టర్ చేసిందని కూడా వర్గాలు తెలిపాయి.
రిలయన్స్ గ్రూప్ మానిటైజ్ చేయాలనుకుంటున్న వేర్హౌస్ ఎసెట్స్ అన్నింటినీ ఈ ట్రస్ట్ స్టోర్ చేయనుంది. ఒక మీడియా రిపోర్టు ప్రకారం ఈ ఇన్విట్కు బదిలీ చేసే ఎసెట్ల విలువ రూ. 19,000 నుంచి రూ.25,000 కోట్ల దాకా ఉండొచ్చు. ఆపరేషన్లోకి వచ్చాక మరికొన్ని కొత్త ఎసెట్లను యాడ్ చేస్తారు. రిలయన్స్ రిటైల్కి ఈ విషయంపై పంపిన ఈమెయిల్కి జవాబు రాలేదు. వివిధ రంగాలలో భారీగా విస్తరిస్తున్న రిలయన్స్ వేర్హౌసింగ్, సప్లయ్ చెయిన్, లాజిస్టిక్స్ ఇన్ఫ్రాస్ట్రక్చర్ అండ్ ఫెసిలిటీస్లలో పెద్ద మొత్తంలోనే పెట్టుబడులను పెడుతోంది. 22 లక్షల చదరపు అడుగుల విస్తీర్ణంలో వేర్హౌస్లు ఏర్పాటవుతున్నట్లు డిసెంబర్ క్వార్టర్ రిజల్ట్స్ సందర్భంగా రిలయన్స్ వెల్లడించింది. దీంతో మొత్తం వేర్హౌస్ , ఫుల్ఫిల్మెంట్ ఎసెట్లు 3.36 కోట్ల చదరపు అడుగులకు చేరాయని పేర్కొంది.
