న్యూఢిల్లీ: రిలయన్స్ ఇండస్ట్రీస్ గత ఐదేళ్లలో వివిధ కంపెనీల కొనుగోలు కోసం 13 బిలియన్ డాలర్లను ఖర్చుచేసినట్టు వెల్లడయింది. ఈ డబ్బుతో టెలికం, రిటైల్, మీడియా వ్యాపారాలను కొన్నది. అంకాలజీ సేవలను అందించే కార్కినోస్ను గత వారం రూ.375 కోట్లకు సొంతం చేసుకోవడం ద్వారా డిజిటల్హెల్త్కేర్సిస్టమ్లోకి కూడా అడుగుపెట్టింది.
మీడియా, ఎడ్యుకేషన్ బిజినెస్ల కోసం ఆరు బిలియన్ డాలర్లు, టెలికం, ఇంటర్నెట్వర్టికల్స్ కోసం 2.6 బిలియన్ డాలర్లు, న్యూ ఎనర్జీ కోసం 1.7 బిలియన్ డాలర్లు, రిటైల్ కోసం 1.14 బిలియన్ డాలర్లను ఖర్చు చేసిందని మోర్గన్ స్టాన్లీ వెల్లడించింది. కేబుల్టీవీ, ఇంటర్నెట్ సర్వీస్ ప్రొవైడర్లు హాత్వే కేబుల్, డాటాకామ్ లిమిటెడ్ను 981 మిలియన్ డాలర్లకు కొనుగోలు చేసింది.
సోలార్ ప్యానెల్ తయారీ సంస్థ ఆర్ఈసీ సోలార్ హోల్డింగ్స్‌‌‌‌‌‌‌‌ను కొనుగోలు చేయడానికి 771 మిలియన్ డాలర్లు, పరిశోధన, డేటాబేస్ సంస్థ జస్ట్డయల్ కొనుగోలు కోసం మరో 767 మిలియన్ డాలర్లను ఇన్వెస్ట్చేసింది.
