ఐపీఎల్ మెగా ఆక్షన్ కు కౌంట్ డౌన్ స్టార్ట్ అయింది. మరికొన్ని గంటల్లో అందరూ ఎంతగానో ఎదురు చూస్తున్న మెగా యాక్షన్ జరగనుంది. రెండు రోజుల ఐపీఎల్ మెగా వేలం ఆదివారం (నవంబర్ 24) మొదలవనుంది. సౌదీ అరేబియాలోని జెడ్డాలో జరగనున్న ఈ మెగా ఆక్షన్ కు 577 మంది ఆటగాళ్లు వేలానికి వెళ్లనున్నారు.
577 మంది ఆటగాళ్లలో 366 మంది భారతీయులు కాగా.. 210 మంది విదేశీ ఆటగాళ్లు. ముగ్గురు అసోసియేట్ ఆటగాళ్లు ఉన్నారు. 366 మంది భారత ఆటగాళ్లలో 318 మంది అన్‌క్యాప్‌డ్ ప్లేయర్స్ ఉన్నారు. ఇక 208 మంది విదేశీ ఆటగాళ్లలో 12 మంది అన్‌క్యాప్‌డ్ కేటగిరిలో ఉన్నారు. 81 మంది ఆటగాళ్లు రూ. 2 కోట్ల అత్యధిక ధరతో వేలంలో పాల్గొననున్నారు. ఆక్షన్ కు ముందు ఏ ఫ్రాంచైజీ దగ్గర ఎంత డబ్బు ఉందొ ఇప్పుడు చూద్దాం
Also Read :- ఆ ఫ్రాంచైజీకో దండం.. నన్ను కొనొద్దని కోరుకుంటున్నా
2025 ఐపీఎల్ మెగా ఆక్షన్ కు ముందు అన్ని జట్ల మిగిలిన పర్స్
పంజాబ్ కింగ్స్ - రూ. 110.5 కోట్లు.. మిగిలి ఉన్న స్లాట్స్.. 23.. ఓవర్సీస్ స్లాట్స్ 8
రాయల్ ఛాలెంజర్స్ బెంగళూరు- రూ. 83 కోట్లు.. మిగిలి ఉన్న స్లాట్స్ 21.. ఓవర్సీస్ స్లాట్స్ 8
ఢిల్లీ క్యాపిటల్స్- రూ. 73 కోట్లు.. మిగిలి ఉన్న స్లాట్స్ 21.. ఓవర్సీస్ స్లాట్స్ 7
గుజరాత్ టైటాన్స్- రూ. 69 కోట్లు.. మిగిలి ఉన్న స్లాట్స్ 20.. ఓవర్సీస్ స్లాట్స్ 7
లక్నో సూపర్ జెయింట్స్- రూ. 69 కోట్లు.. మిగిలి ఉన్న స్లాట్స్ 20.. ఓవర్సీస్ స్లాట్స్ 7
చెన్నై సూపర్ కింగ్స్- . రూ. 55 కోట్లు.. మిగిలి ఉన్న స్లాట్స్ 20.. ఓవర్సీస్ స్లాట్స్ 7
కోల్‌కతా నైట్ రైడర్స్- రూ. 51 కోట్లు.. మిగిలి ఉన్న స్లాట్స్ 19.. ఓవర్సీస్ స్లాట్స్ 6
ముంబై ఇండియన్స్- రూ. 45 కోట్లు.. మిగిలి ఉన్న స్లాట్స్ 20.. ఓవర్సీస్ స్లాట్స్ 8
సన్‌రైజర్స్ హైదరాబాద్- రూ. 41 కోట్లు.. మిగిలి ఉన్న స్లాట్స్ 19.. ఓవర్సీస్ స్లాట్స్ 7
రాజస్థాన్ రాయల్స్ రూ. 69 కోట్లు.. మిగిలి ఉన్న స్లాట్స్ 21.. ఓవర్సీస్ స్లాట్స్ 8
అరగంట ఆలస్యంగానే
ముందుగా అనుకున్న సమయం ప్రకారం కంటే ఐపీఎల్ వేలం అరగంట ఆలస్యంగా ప్రారంభం కానుంది. దీని ప్రకారం మూడు గంటలకు ప్రారంభం కావాల్సిన ఐపీఎల్ మెగా ఆక్షన్ 3 గంటల 30 నిమిషాలకు ప్రారంభం కానుంది. బ్రాడ్ కాస్టర్స్ బీసీసీఐని ప్రారంభ సమయాన్ని మార్చాలని అభ్యర్ధించినట్టు సమాచారం.
లైవ్ స్ట్రీమింగ్ ఎక్కడ చూడాలంటే..?
టీవీల్లో ఈ మెగా ఆక్షన్ స్టార్ స్పోర్ట్స్ ఛానెల్‌లలో ప్రత్యక్ష ప్రసారం చేయబడుతుంది. మొబైల్స్ లో జియో సినిమాలో లైవ్ చూడొచ్చు.
