మహారాష్ట్రలోని యవత్మాల్ జిల్లాలో సుమారు మూడు వేల ఏండ్లనాటి నాగరికతను గుర్తించినట్లు నాగ్ పూర్ విశ్వవిద్యాలయం పరిశోధకులు ప్రకటించారు. ఇవి ఇనుప యుగం కాలం నాటివిగా నాగ్పూర్ విశ్వవిద్యాలయం పరిశోధకులు భావిస్తున్నారు. నాగ్పూర్ యూనివర్సిటీకి చెందిన ప్రాచీన భారత సంస్కృతి, పురావస్తు, చారిత్రక విభాగానికి చెందిన బృందం 2023–24లో బాబుల్ గావ్ తాలుకాలోని పజ్జేడ్ గ్రామంలోని పురావస్తు స్థలంలో తవ్వకాలు నిర్వహించింది.
ఈ సందర్భంగా 8.73 మీటర్ల పరిధిలో పురాతన సాంస్కృతిక ఆనవాళ్లు బయటపడ్డాయని విభాగాధిపతి డాక్టర్ ప్రభాశ్ సాహు వెల్లడించారు. ఆ ఆనవాళ్లను ఇనుపయుగం కాలం, దాని ఉప కులాలకు చెందిన వాటిగా విభజించారు. సున్నపురాయి అంతస్తులు, చెక్క స్తంభాలు కలిగిన వృత్తాకార ఇళ్ల నిర్మాణ అవశేషాలను తమ బృందం కనుగొన్నట్లు ప్రభాశ్ సాహు పేర్కొన్నారు. ఈ పరిశోధనలో చుల్హా, కుండలు, ఇనుప వస్తువులు, సెమీ విలువైన రాళ్ల పూసలు, టెర్రకోట పూసలు, ఎముక వస్తువులు ఉన్న పూర్తి ఇంటి ప్రణాళికను పరిశోధకులు కనుగొన్నారు.
