త్రిపుల్ ఆర్ ఒక అబద్దం అని, అందులో చూపించినవి అన్నీ అబద్దాలే అని, కనీసం మీ సినిమాలో అయినా నిజం చూపిస్తున్నారా? లేదా ఇది కూడా అబద్ధమేనా? అంటూ నిఖిల్ కు షాకింగ్ ప్రశ్న వేసాడు ఒక రిపోర్టర్. యంగ్ హీరో నిఖిల్ నటిస్తున్న లేటెస్ట్ మూవీ "స్పై" ప్రమోషన్స్ లో భాగంగా ఏర్పాటు చేసిన ప్రెస్ మీట్ లో ఈ ఇంటెరెస్టింగ్ ప్రశ్న ఎదురైంది. ఈ ప్రశ్న విని అక్కడున్న చాలా మంది ఒక్కసారిగా అవాక్కయ్యారు.
ఇంతకీ ఏం జరిగిందంటే.. స్పై మూవీ ప్రెస్ మీట్ లో భాగంగా ఒక రిపోర్టర్.. త్రిపుల్ ఆర్ మూవీలో ఇద్దరు స్వాతంత్ర సమరయోధుల కథను చెప్తున్నాం అని చెప్పి రాజమౌళి ఒక అబద్దపు కథను తీసాడు. అది ఆస్కార్ విన్ అయుండొచ్చు కానీ అది ఒక అబద్దపు కథ. ఇప్పుడు మీరు కూడా నేతాజీ సుభాష్ చంద్రబోస్ కథతో సినిమా తీస్తున్నారు. కనీసం ఈ సినిమాలో అయినా నిజం చెప్తున్నారా లేక ఈ సినిమా కూడా అబద్ధమేనా? అని అడిగాడు.
ఈ ప్రశ్నకు కంగుతిన్న నిఖిల్.. త్రిపుల్ ఆర్ అబద్దపు సినిమా కాదు అది ఒక ఫిక్షనల్ కథ. కానీ మేము స్పై సినిమాలో నిజాలే చెప్పబోతున్నాం. నేతాజీ సుభాష్ చంద్రబోస్ మరణంలో సమయంలో ఏం జరిగింది. దానిని ఎందుకు ఇన్ని సంవత్సరాల పాటు ఇంకా సీక్రెట్ గానే ఉంచారు అనే చాలా విషయాల్ని ఈ సినిమాలో చూపించబోతున్నాం. ఖచ్చితంగా స్పై సినిమా అబద్దం సినిమా కాదు అని చెప్పుకొచ్చాడు నిఖిల్. ప్రస్తుతం ఈ వీడియో నెట్టింట వైరల్ గా మారింది. ఇక స్పై మూవీ జూన్ 29న ప్రేక్షకుల ముందుకు రానుంది. ఐశ్వర్య మీనన్ హీరోయిన్ గా నటిస్తున్న ఈ సినిమాకి గ్యారీ బీహెచ్ దర్శకత్వం వహిస్తున్నాడు.
