వరల్డ్ కప్ 2023 టోర్నీ ప్రారంభమవడానికి మరో నెల రోజుల సమయం మాత్రమే మిగిలివుంది. అయినప్పటికీ.. మ్యాచ్‌ల షెడ్యూల్‌పై సందిగ్దత వీడటం లేదు. ఇప్పటికే భద్రతా కారణాల దృష్ట్యా కొన్ని మ్యాచ్ ల తేదీలలో మార్పులు చేసిన ఐసీసీ.. రీషెడ్యుల్ తేదీలను కూడా ప్రకటించింది. తాజాగా, మరో బిగ్ అప్‌డేట్ అందుతోంది.
సెప్టెంబర్ 29న రాజీవ్ గాంధీ స్టేడియం ఆతిథ్యమివ్వనున్న వార్మప్ మ్యాచ్‌ను పునఃపరిశీలించాలని కోరుతూ హైదరాబాద్ క్రికెట్ అసోసియేషన్(హెచ్ సిఏ) బీసీసీఐకి ఈ-మెయిల్ పంపినట్లు వార్తలొస్తున్నాయి. ఆ మ్యాచ్ పాకిస్తాన్ - న్యూజిలాండ్ జట్ల మధ్య జరగనుంది.
గణేష్ నిమజ్జనం, మిలన్-ఉన్-నబీ
నివేదికల ప్రకారం.. సెప్టెంబరు 28న నగరంలో గణేష్ విసర్జన్ మరియు మిలన్-ఉన్-నబీ పండుగల ఊరేగింపులు జరగనున్నాయి. ఆ మరుసటి రోజే పాకిస్తాన్ మ్యాచ్ ఉండటం కారణంగా భద్రతా సంస్థలు తగిన భద్రతను అందించలేమని హెచ్‌సీఏకు తెలియజేసినట్లు సమాచారం. ఈ విషయాన్ని వివరిస్తూ హెచ్‌సీఏ.. బీసీసీఐకి ఈ -మెయిల్ పంపినట్లు తెలుస్తోంది. రీషెడ్యూల్ చేయటం వీలు కానియెడల వార్మప్ మ్యాచ్‌ను నగరం నుండి మరొక చోటికి తరలించాలని కోరినట్లు సమాచారం.
According to reports, the security agencies have expressed their inability to provide adequate security due to the festivals Ganesh Visarjan and Milan-Un-Nabi, that culminate on September 28th ??#ODIWorldCup2023 #PAKvsNZ #CricketTwitter pic.twitter.com/boZs1tNG2J
— InsideSport (@InsideSportIND) September 10, 2023
మరో మ్యాచ్ కూడా..
వరల్డ్ కప్ షెడ్యూల్ ప్రకారం.. ఉప్పల్ రాజీవ్ గాంధీ స్టేడియం వేదికగా అక్టోబర్ 9 మరియు 10 తేదీలలో రెండు మ్యాచ్‌లు జరగనున్నాయి. అక్టోబర్ 9న న్యూజిలాండ్- నెదర్లాండ్స్ మధ్య మ్యాచ్ జరగనుండగా.. అక్టోబర్ 10న పాకిస్థాన్- శ్రీలంక మధ్య మ్యాచ్ జరగనుంది. వరుస రోజుల్లో షెడ్యూల్ ఉండటం.. పాకిస్తాన్ మ్యాచ్‌కు పెద్ద సంఖ్యలో పోలీసులు అవసరమయ్యే అవకాశం ఉన్నందున భద్రత కల్పించలేమని హైదరాబాద్ పోలీసులు చెప్పినట్లు ఓ జాతీయ ఛానల్ కథనాన్ని ప్రచురించింది.
ALSOREAD:క్రికెట్ అభిమానులకు జియో సినిమా బంపర్ ఆఫర్.. ఫ్రీ లైవ్ స్ట్రీమింగ్
కాగా, కొద్దిరోజల క్రితం ఇదే విషయాన్ని ప్రస్తావిస్తూ హెచ్‌సీఏ.. బీసీసీఐకి లేఖ రాసిన విషయం అందరికీ తెలిసిందే. ఈ విషయం స్పందించిన బీసీసీఐ వైస్ ప్రసిడెంట్ రాజీవ్ శుక్లా రీషెడ్యూల్ చేయటం కుదరదని తెలిపారు. ఇప్పుడు మరోసారి ఈ -మెయిల్ పంపటం ఎటు దారితీస్తుందో అంతుపట్టడం లేదు. రీషెడ్యూల్ చేయటం వీలు కానియెడల మ్యాచ్‌లను మరొకచోటికి తరలిస్తారన్న ప్రచారం జరుగుతోంది.
అక్టోబర్ 5 న అహ్మదాబాద్‌ వేదికగా డిఫెండింగ్ ఛాంపియన్స్ ఇంగ్లండ్, రన్నరప్ న్యూజిలాండ్ మధ్య జరిగే మ్యాచ్‌తో టోర్నీ ప్రారంభంకానుంది.
