కామారెడ్డి, వెలుగు: సీఎం కేసీఆర్ కామారెడ్డిలో గెలుపు కామారెడ్డికి శక్తిని ఇవ్వనుందని ఎమ్మెల్సీ కల్వకుంట్ల కవిత పేర్కొన్నారు. కేసీఆర్ గెలపుతో కామారెడ్డి రూపురేఖలు మారుతాయన్నారు. ఉమ్మడి నిజామాబాద్ జిల్లా శాశ్వతంగా అభివృద్ధి చెందుతుందన్నారు. జిల్లాకు చెందిన రెడ్డి ఐక్య వేదిక ప్రతినిధులు శుక్రవారం హైదరాబాద్లో కవితతో సమావేశమయ్యారు. ఈ సందర్భంగా ఆమె మాట్లాడుతూ కామారెడ్డిలో కేసీఆర్ పోటీ చేస్తున్నారని ప్రకటించగానే కార్యకర్తల్లో ఉత్సాహం వచ్చింద న్నారు.
అభివృద్ధితో దూసుకెళ్తుందని ప్రజలు సంతోషంగా ఉన్నారన్నారు. ఇండస్ర్టీస్, సంస్థలు వస్తాయని, దీంతో కామారెడ్డి, నిజామాబాద్ జిల్లాల్లో ఉపాధి అవకాశాలకు ఢోకా ఉండదన్నారు. అగ్రవర్ణాలతో పాటు అన్నివర్గాల సంక్షేమం కోసం కేసీఆర్ పనిచేస్తున్నారన్నారు. స్టేట్లో బీఆర్ఎస్ గెలుపునకు తోడ్పాడుతామని ఐక్య వేదిక ప్రతినిధులు కవితకు తెలిపారు. కార్యక్రమంలో రెడ్డి ఐక్య వేదిక స్టేట్ ప్రెసిడెంట్ ఏనుగు సంతోష్రెడ్డి, ప్రతినిధులు నాగర్తి చంద్రారెడ్డి, నల్లవెల్లి కరుణాకర్రెడ్డి, రమేశ్రెడ్డి, రాంరెడ్డి, బీమ్రెడ్డి తదితరులు ఉన్నారు.
