అక్రమ వలసదారులను ఇలా కాల్చి చంపేయండి : అమెరికన్ రిపబ్లిక్ కాంగ్రెస్ అభ్యర్థి సంచలన వీడియో

అమెరికాకు అక్రమంగా వలస వచ్చి.. అక్రమంగా నివాసం ఉంటూ.. అమెకన్లను చంపుతున్న వలసదారులను తిరిగి పంపించటం కాదు.. ఇలా కాల్చి చంపేయాలి అంటూ రిపబ్లికన్ కాంగ్రెస్ పార్టీ అభ్యర్థి గోమెజ్ పోస్ట్ చేసిన వీడియో సంచలనంగా మారింది. ఓ కుర్చీలో నల్లటి బ్యాగ్ పెట్టి.. ఆ బ్యాగ్ ను మనిషిగా చూపిస్తూ.. డమ్మీ తుపాకీతో తలపై కాలుస్తూ ఉన్న వీడియోకు.. అక్రమ వలసదారులకు ఇదే సరైన శిక్ష అనే క్యాప్షన్ ఇచ్చారు. ఈ వీడియో ఇంటర్నెట్ లో వైరల్ అయ్యింది. ఈ వీడియోపై ఇప్పుడు అమెరికాలోనే నిరసనలు వ్యక్తం అవుతున్నాయి. రెండు దేశాల మధ్య మాటల యుద్ధానికి దారి తీశాయి.

రిపబ్లికన్ కాంగ్రెస్ అభ్యర్థి వాలెంటినా గోమెజ్ ఆన్ లైన్ పోస్ట్ వివాదాలకు దారి తీసింది. అక్రమంగా అమెరికాలో ఉంటూ హింసాత్మక నేరాలకు పాల్పడుతున్న వలదారునలు బహిరంగంగా ఉరితీయాలని.. అమెరికా ప్రజలను రెచ్చగొట్టేలే సోషల్ మీడియాలో పోస్ట్ చేసింది. ఈ వీడియో నెట్టింటవైరల్ మారింది.. నెటిజన్లనుంచి తీవ్ర విమర్శలకు గురిచేసింది. 

Also Read :- బీఎస్ఎన్ఎల్ సంచలన నిర్ణయం..19వేల మంది ఉద్యోగులకు తొలగింపు

ఈ రెచ్చగొట్టే వీడియోను వాలెంటినా గోమేజ్.. మంగళవారం Xలో షేర్ చేసింది.. కొలంబియాకు చెందిన గోమెజ్.. అమెరికా అధ్యక్షుడిగా ఎన్నికైన డొనాల్డ్ ట్రంప్ బలమైన మద్దతుదారు. ఈ వీడియోలో ఆమె తలపై నల్ల బ్యాగ్‌తో కుర్చీకి కట్టబడిన డమ్మీ తల వెనుక భాగంలో చేతి తుపాకీని కాల్చడం కనిపిస్తుంది. ఈ వీడియోకు జతగా వలసదారుల్ని ఉరితీయాలి అంటూ క్యాప్షన్ తగిలించింది. 

అమెరికన్లపై అత్యాచారం, హత్యలు వంటి చట్ట విరుద్దమైన పనులు చేసే వలసదారులకు బహిరంగంగా ఉరితీయాలి.. వారికి బహిష్కరణ కాదు.. వారిని అంతం చేయాలి అని గోమేజ్ వీడియో చెప్పడం చర్చనీయాంశమైంది.. రెండు దేశాల మధ్య దౌత్యపరమైన వివాదాలకు ఊతమిస్తోంది. 

గోమేజ్ వీడియోను X లో పోస్ట్ చేసిన కొద్ది సమయంలో నే 5 లక్షల మంది చూశారు.. అయితే ఈ వీడియో X ఫ్లాట్ ఫాం నిబంధనలు ఉల్లంఘించిందని గుర్తించింది.. దీంతో వీడియోను తొలగించింది. దీంతోపాటు గోమేజ్ కు జరిమానా కూడా విధించింది. 

న్యూయార్ నగరంలో ఇటీవల జరిగిన  ఓ మహిళ హత్య తర్వాత గోమేజ్ ఈ వీడియో, వ్యాఖ్యలు చేసింది. గ్వాటెమాలన్  జాతీయుడు వీకెండ్స్ లో ఓ మహిళను కాల్చి చంపాడని అక్కడి పోలీసులు అరెస్ట్ చేశారు. 

ఈ వీడియో ఆన్‌లైన్‌లో దుమారం రేపింది.. చాలా మంది సోషల్ మీడియా వినియోగదారులు గోమేజ్ ప్రతిపాదనను తీవ్రంగా ఖండించారు.గోమేజ్ వీడియో రెచ్చగొట్టేలా ఉంది.. చాలా ప్రమాదకరమైనది అని ఆగ్రహం వ్యక్తం చేశారు.