గచ్చిబౌలి, వెలుగు: కొండాపూర్లోని శ్రీరామ్నగర్ కాలనీ ఏ బ్లాక్లో హాస్టల్స్ ఏర్పాటును నిరసిస్తూ సోమవారం కాలనీ వాసులు ర్యాలీ చేపట్టారు. కాలనీలో హాస్టల్స్ను ఏర్పాటు చేస్తే సాధారణ ప్రజలు తీవ్ర ఇబ్బందులు ఎదురయ్యే అవకాశం ఉందని కాలనీ వెల్ఫేర్ అసొసియేషన్ ప్రెసిడెంట్ శివకుమార్ తెలిపారు. తాగునీరు సరిపోకపోవడం, డ్రైనేజీ సమస్యలు ఏర్పడుతాయన్నారు.
హాస్టల్స్లో ఉండే వారు రాత్రి సమయాల్లో మద్యం తాగి అసాంఘిక కార్యకలాపాలకు పాల్పడే అవకాశం ఉందన్నారు. గొడవలు జరిగి న్యూసెన్స్ క్రియేట్ చేస్తారని పేర్కొన్నారు. దీంతో పాటు పార్కింగ్ సమస్య ఏర్పడి ట్రాఫిక్ ఇబ్బందులు తలెత్తుతాయని తెలిపారు. ఇదే విషయంపై పోలీసు అధికారులకు, జీహెచ్ఎంసీ అధికారులను కలిసి ఫిర్యాదు చేశామని తెలిపారు. ఈ నిరసన కార్యక్రమంలో అసొసియేషన్ సభ్యులు, కాలనీవాసులు పాల్గొన్నారు.
