ఓయూ, వెలుగు: ఓయూ ఎడ్యుకేషన్ విభాగం ఆవరణలోని పురాతన మెట్లబావి (మహాలఖా బాయి బావి) పునరుద్ధరణ పనులను వీసీ ఎం.కుమార్ సోమవారం ప్రారంభించారు. కల్పనా రమేశ్ నేతృత్వంలో ది రెయిన్ వాటర్ ప్రాజెక్టు, ఇన్ఫోసిస్, దొడ్ల డెయిరీ సహకారంతో ఈ చారిత్రక బావి పునరుద్ధరణ పనులు చేపట్టినట్లు తెలిపారు. ఓయూలోని పురాతన నీటి బావులను గుర్తించి త్వరలో తిరిగి వాడుకలోకి తీసుకొస్తామన్నారు. కార్యక్రమంలో రిజిస్ట్రార్ ప్రొఫెసర్ పి. లక్ష్మీనారాయణ, ఓయూ గార్డెన్స్, గ్రీన్ బెల్డ్ డైరెక్టర్ ప్రొఫెసర్ శ్రీనివాసులుతో పాటు స్వచ్ఛంద సంస్థల ప్రతినిధులు పాల్గొన్నారు.
