ఆర్టిఫిషియల్ ఇంటెలిజెన్స్ అద్భుతం చాట్బాట్ చాట్ జీపీటీపై రోజూ ఏదో ఒక వార్త నెట్టింట వైరల్గా మారుతోంది. ప్రారంభించిన నాటి నుంచి ప్రజలు దీనితో అనేక ప్రయోగాలు చేస్తున్నారు. అందుకు తగినట్టే ఊహించని ఫలితాలు పొందుతున్నారు. ఒక వ్యక్తి తాను చాట్ జీపీటీ సాయంతో రెజ్యూమ్ని రూపొందించానని, అది విజయవంతమైందని తెలిపాడు. ఆ రెజ్యూమ్తో జాబ్ ఆఫర్లూ వెల్లువెత్తుతున్నాయని హర్షం వ్యక్తం చేశాడు. ఇదే విషయాన్ని సోషల్ మీడియాలో పంచుకున్నాడు.
ప్రశ్నలు వేసి.. సమాధానం రాబట్టి
ఆ వ్యక్తి చాట్ జీపీటీతో తనకు కలిగిన అనుభవాలు పంచుకున్నాడు. "నేను నా రెజ్యూమ్ చేయమని చాట్ జీపీటీని అడిగాను. అది నా అనుభవం ఎంత, ఏయే రంగాల్లో అవగాహన ఉంది, ఇంతకు ముందు ఎక్కడ పని చేశారు, ఏ రంగంలో ఉండాలనుకుంటున్నారు, ఎంత జీతం కావాలనుకుంటున్నారు తదితర కోణాల్లో ప్రశ్నలు వేసింది. వీటన్నింటికీ సమాధానం ఇచ్చిన వెంటనే, అది అద్భుతమైన రెజ్యూమ్ని రూపొందించింది. దానిని కంపెనీలకు పంపగానే నాకు మంచి ఆఫర్లు రావడం మొదలయ్యాయి. కంపెనీలు కూడా రెజ్యూమ్ చూసి నాపై ప్రశంసలు కురిపించాయి." అని ఆయన తెలిపారు. తాను ప్రస్తుతం ఇంటర్వ్యూకి సిద్ధమవుతున్నట్లు పేర్కొన్నాడు. అతను ఈ విషయాన్ని కొన్ని గంటల క్రితం సోషల్ మీడియాలో పోస్ట్ చేయగా ఇప్పటి వరకు దానిని దాదాపు 4000 మంది లైక్ చేశారు. మిగతా నెటిజన్స్కూడా చాట్జీపీటీతో తమకు కలిగిన అనుభవాలను పంచుకుంటున్నారు.
