హైదరాబాద్ సిటీ/బషీర్బాగ్: కేరళ సర్కార్ఇచ్చే లాటరీ టికెట్లు అంటూ ఫేస్బుక్లో వచ్చిన యాడ్ కు స్పందించిన ఓ రిటైర్డ్ ఉద్యోగి సైబర్నేరగాళ్ల వలలో చిక్కాడు. రూ. 3.18 లక్షలు నష్టపోయాడు. సైబర్ పోలీసులు తెలిపిన వివరాల ప్రకారం.. సిటీకి చెందిన ఓ రిటైర్డ్ఉద్యోగి(76) ఇటీవల ఫేస్బుక్చూస్తుండగా ‘కేరళ ప్రభుత్వ లాటరీ టిక్కెట్లు’ అనే యాడ్కనిపింది.
నిజమేనని నమ్మిన వృద్ధుడు ఆ లింక్‌‌‌‌‌‌‌‌‌‌‌‌‌‌‌‌పై క్లిక్ చేశాడు. అది ఓ వాట్సాప్ నంబర్‌‌‌‌‌‌‌‌‌‌‌‌‌‌‌‌కు రీడైరెక్ట్ అయింది. తర్వాత, కొందరు వాట్సాప్ ద్వారా వృద్ధుడిని సంప్రదించారు. కేరళ ప్రభుత్వం సంవత్సరానికి లాటరీ డ్రా నిర్వహిస్తోందని, టిక్కెట్లు కొనాలని నమ్మబలికారు. నమ్మిన వృద్ధుడు మూడు టిక్కెట్లు కొన్నాడు. కొన్ని రోజుల తర్వాత.. అతను రెండు లాటరీలు గెలిచాడని రూ.5 లక్షలు, రూ.12 లక్షలు బహుమతులుగా వచ్చాయని మెసేజ్వచ్చింది.
అయితే, గెలిచిన మొత్తం వృద్ధుడి బ్యాంక్అకౌంట్లలో జమ చేయడానికి ముందు రిఫండబుల్ ట్యాక్స్, ఇతర ఫీజులు చెల్లించాలని పలు నంబర్ల నుంచి కాల్స్వచ్చాయి. ఆ మొత్తాన్ని లాటరీ డబ్బుతో కలిపి తిరిగి చెల్లిస్తామని అవతలి వ్యక్తులు నమ్మించారు. దీంతో వృద్ధుడు విడతల వారిగా రూ.3.18లక్షలు పంపాడు. తర్వాత మరికొంత పంపాలని డిమాండ్చేయడంతో తాను సైబర్నేరగాళ్లకు చిక్కినట్లు గ్రహించిన బాధితుడు పోలీసులకు ఫిర్యాదు చేశాడు.
