ఖైరతాబాద్, వెలుగు: కులగణన చేయడానికి ఇష్టం లేకనే ఏదో కారణం చెప్పి పాలకులు తీవ్ర జాప్యం చేస్తున్నారని జాతీయ బీసీ కమిషన్మాజీ చైర్మన్, రిటైర్డ్జస్టిస్ ఈశ్వరయ్య అన్నారు. జులూరి గౌరీశంకర్ రచించిన' మా వాటా మాకే' అనే పుస్తకాన్ని ప్రెస్క్లబ్లో జరిగిన సమావేశంలో ఆయన ఆవిష్కరించారు. ఈ సందర్భంగా ఆయన మాట్లాడారు. గత ప్రభుత్వం ఒక్క రోజులోనే సమగ్ర కుటుంబ సర్వే నిర్వహించిందని ఈ సందర్భంగా గుర్తు చేశారు. కులగణన చేస్తే ఎవరి వాటా ఎంతో అన్న విషయం బయటకు వస్తుందనే ప్రభుత్వం కావాలనే జాప్యం చేస్తుందన్నారు.
ఆ తర్వాత రిటైర్డ్ జస్టిస్చంద్రకుమార్మాట్లాడుతూ.. సరైన సమయంలో అవసరమైన పుస్తకాన్ని జులూరి రచించారన్నారు. కులగణన చేస్తే చీలి పోతారంటూ బీజేపీ అంటుందని, కుల వివక్ష అనేది మనుధర్మం, మనువాదుల వల్లనే వచ్చిందన్నారు. బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్ గౌడ్ మాట్లాడుతూ.. కుల గణన కోసం ఆరు నెలలుగా పెద్ద ఎత్తున ఉద్యమం చేస్తున్నామని పేర్కొన్నారు.
బీసీల ఓట్లతో గద్దెనెక్కిన వారు 9 రోజుల పాటు జరిగిన అసెంబ్లీ సమావేశాల్లో ఆ అంశాన్ని ప్రస్తావించలేదన్నారు. హైదరాబాద్ సిటీలో త్వరలో అఖిల పక్షంతో ఓ భారీ సమావేశం ఏర్పాటు చేస్తామని వెల్లడించారు. దీనికి అన్ని రాజకీయ పార్టీల నాయకులు,అధ్యక్షులను ఆహ్వానిస్తామన్నారు. మారుతీ సాగర్అధ్యక్షతన జరిగిన సమావేశంలో మాజీ ఐఏఎస్అధికారి చిరంజీవులు, ప్రొఫెసర్లక్ష్మణ్తదితరులు పాల్గొన్నారు.
