- ఆర్టీసీ కార్మికుల చావులకు కారకుడు బాజిరెడ్డి
- కవితను ఓడించారని జిల్లాపై కేసీఆర్కు కోపం
నిజామాబాద్, వెలుగు : సీఎం కేసీఆర్ తరహాలోనే రూరల్ ఎమ్మెల్యే బాజిరెడ్డి గోవర్దన్ ఆస్తులు పెంచుకొని ఫాంహౌజ్ నిర్మించాడని టీపీసీసీ అధ్యక్షుడు రేవంత్రెడ్డి ఆరోపించారు. మళ్లీ పోటీ చేస్తున్న ఆయన్ను ఎందుకు గెలిపించాలో ఆలోచించాలని ప్రజలను కోరారు. రూరల్ సెగ్మెంట్లోని ధర్పల్లి మండల కేంద్రంలో బుధవారం జరిగిన జనభేరి జనసభలో ఆయన ప్రసంగించారు. ఆర్టీసీ సమ్మె టైంలో 50 మంది కార్మికుల ఆత్మహత్యలకు కేసీఆర్, ఆర్టీసీ చైర్మన్ బాజిరెడ్డి కారణమయ్యారని ఆరోపించారు. కార్మికులను పొట్టనబెట్టుకున్న బాజిరెడ్డిని వంద మీటర్ల గోతిలో బొందపెట్టాలన్నారు. 2019 లోక్సభ ఎన్నికల్లో కవితను ఓడించారని జిల్లా ప్రజలపై కేసీఆర్కు కోపమన్నారు.
అందుకే పోడుభూముల సమస్య పరిష్కరించలేదని, మంచిప్ప రిజర్వాయర్ పనులను ఎక్కడ వేసిన గొంగడిలా అక్కడే ఉంచారన్నారు. నిజాం షుగర్ ఫ్యాక్టరీకి తాళం వేశారన్నారు. పసుపు, ఎర్రజొన్న రైతులపై కేసులు మాఫీ కాలేదన్నారు. నియోజకవర్గంలో వంద బెడ్ల హాస్పిటల్ నిర్మాణం మరిచారన్నారు. కవితను ఎమ్మెల్సీ చేసినా ప్రజలకు ఏం ఒరిగిందని ప్రశ్నించారు. ఉమ్మడి జిల్లా సమస్యలకు పరిష్కారం చూపే ఆలోచనతో హైకమాండ్ తనను కామారెడ్డి నుంచి పోటీ చేయిస్తోందని గెలిపించాలని కోరారు. అసలు డ్యూటీ పక్కనబెట్టి బీఆర్ఎస్ కార్యకర్తలా పనిచేస్తున్న బోధన్ ఏసీపీ కిరణ్కుమార్ పేరును రెడ్ డైరీలో రాస్తున్నామని రేవంత్ వార్నింగ్ ఇచ్చారు. కార్యక్రమంలో డీసీసీ ప్రెసిడెంట్ మానాల మోహన్రెడ్డి, తాహెర్, ముప్పగంగారెడ్డి, కంచెట్టి గంగాధర్, ఇమ్మడి గోపి, సాయిరెడ్డి, భోజన్న, చిన్న
