- కామారెడ్డిలో కేసీఆర్ను ఓడించి చారిత్రాత్మక తీర్పునివ్వాలి
కామారెడ్డి, భిక్కనూరు, వెలుగు: రాష్ట్రంలో కాంగ్రెస్ పార్టీ అధికారంలోకి వస్తే పేదల సంక్షేమమే లక్ష్యంగా పనిచేస్తామని టీపీసీసీ చీఫ్రేవంత్ రెడ్డి పేర్కొన్నారు. తాను పోటీ చేస్తున్న కామారెడ్డి నియోజకవర్గంలో శనివారం రేవంత్రెడ్డి ఎన్నికల ప్రచారం నిర్వహించారు. రాజంపేట, భిక్కనూరు మండల కేంద్రాల్లో నిర్వహించిన కార్నర్ మీటింగ్స్లో ఆయన పాల్గొన్నారు. పేదల ఇండ్ల నిర్మాణానికి రూ.5 లక్షలు ఇస్తామని, ప్రతి ఇంటికి 200 యూనిట్ల ఉచిత కరెంట్ ఇస్తామని, 2 లక్షల ఉద్యోగాలు భర్తీ చేస్తామని, రైతులకు రూ.2 లక్షలు రుణమాఫీ చేస్తామన్నారు.
అన్నదాతలకు రూ.3 లక్షల వడ్డీ లేని రుణాలు ఇస్తామన్నారు. సౌభాగ్య లక్ష్మీ పథకం కింద మహిళలకు నెలకు రూ.2,500 అందిస్తామన్నారు. దేశం మొత్తం కామారెడ్డి వైపు చూస్తుందని, ఈ ఎన్నికల్లో కేసీఆర్ను ఓడించి కామారెడ్డి ప్రజలు చారిత్రాత్మక తీర్పునివ్వాలన్నారు. ప్రజలు అధిక సంఖ్యలో తరలిరావడం, ప్రోగ్రామ్స్ సక్సెస్ కావడంతో కాంగ్రెస్ శ్రేణుల్లో జోష్ పెరిగింది. ప్రతిపక్ష బీఆర్ఎస్పై విమర్శలు చేస్తూనే, కాంగ్రెస్ అధికారంలోకి వస్తే ఏం చేస్తామనే విషయాలను రేవంత్ ప్రజలకు వివరించారు.
మాజీ మంత్రి షబ్బీర్అలీ మాట్లాడుతూ.. కాంగ్రెస్ అధికారంలోకి రాగానే ఆరు గ్యారంటీలను అమలు చేస్తామన్నారు. రేవంత్ రెడ్డిని భారీ మెజార్టీతో గెలిపించాలని కోరారు. మాజీ ఎమ్మెల్యే యూసుఫ్అలీ, మహిళా కాంగ్రెస్ మాజీ స్టేట్ ప్రెసిడెంట్ శారద, డీసీసీ ప్రెసిడెంట్ కైలాస్ శ్రీనివాస్రావు, లీడర్లు చంద్రకాంత్రెడ్డి, ఇంద్రకరణ్రెడ్డి, భీమ్రెడ్డి, గూడెం శ్రీనివాస్రెడ్డి, ఆనంద్రావు, యాదవ్రెడ్డి, వీరన్న పాల్గొన్నారు.
హెలిక్యాఫ్టర్లో రావాల్సి ఉండగా..
రేవంత్రెడ్డి హైదరాబాద్ నుంచి కామారెడ్డికి హెలిక్యాప్టర్లో రావాల్సి ఉండగా, రోడ్డు మార్గంలో వచ్చారు. దీంతో కార్నర్ మీటింగ్స్ నిర్వహణకు ఆలస్యమైంది. అందుకే కామారెడ్డి మండలం చిన్న మల్లారెడ్డిలో కార్నర్ మీటింగ్కు రేవంత్ హాజరు కాలేదు.
