మద్దూరు, వెలుగు: కొడంగల్ నియోజకవర్గంలో ఈసారి రేవంత్ రెడ్డి గెలుపు ఖాయమైందని, అందులో ఎలాంటి అనుమానం లేదని కాంగ్రెస్ నియోజకవర్గ ఇన్చార్జి తిరుపతి రెడ్డి పేర్కొన్నారు. శుక్రవారం కొత్తపల్లి మండల కేంద్రం, నిడ్జింత గ్రామాల్లో పార్టీ ఆఫీసులను ప్రారంభించారు.
ఈ సందర్భంగా ఆయన మాట్లాడుతూ కాంగ్రెస్ పార్టీ ప్రకటించిన ఆరు గ్యారంటీలను ప్రతి ఒక్కరికి తెలిసేలా పార్టీ కార్యకర్తలు కృషి చేయాలని కోరారు. అప్పుడే మెజార్టీ భారీగా పెరుగుతుందన్నారు. జడ్పీటీసీ రఘుపతిరెడ్డి, లీడర్లు సంజీవ్, చెన్నప్ప, మహీందర్, శ్రీనివాస రెడ్డి, విజయ్ కుమార్, రామకృష్ణారెడ్డి పాల్గొన్నారు.
