పాల్వంచ రూరల్, వెలుగు : పాల్వంచ రూరల్ ప్రాజెక్ట్ పరిధిలో సీడీపీవోగా రేవతి గురువారం బాధ్యతలు స్వీకరించారు. గతంలో ఇక్కడ సీడీపీవోగా పని చేసిన కనకదుర్గ బదిలీపై ఖమ్మం జిల్లా వెళ్లారు. దీంతో బూర్గంపాడు ఐసీడీఎస్ ప్రాజెక్ట్లో పనిచేస్తున్న రేవతిని పాల్వంచ రూరల్ ప్రాజెక్ట్ సీడీపీవోగా నియమించడంతో ఆమె బాధ్యతలు స్వీకరించారు.
ఈసందర్భంగా ఆమె మాట్లాడుతూ తమ పరిధిలోని అంగన్వాడీ కేంద్రాలను సమర్ధవంతంగా నిర్వహించేందుకు కృషి చేస్తామన్నారు. విధుల పట్ల నిర్లక్ష్యం వహించేవారిపై చర్యలు తప్పవని హెచ్చరించారు.
