- రెవెన్యూ మంత్రి పొంగులేటి శ్రీనివాసరెడ్డి
భద్రాద్రికొత్తగూడెం/పాల్వంచ, వెలుగు : రాష్ట్రంలో ఎకో పార్కులను డెవలప్ చేసేందుకు ప్రభుత్వం సిద్ధంగా ఉందని రెవెన్యూ శాఖ మంత్రి పొంగులేటి శ్రీనివాసరెడ్డి అన్నారు. జిల్లాలోని లక్ష్మీదేవిపల్లి మండలం, పాల్వంచ పట్టణాల్లో ఎమ్మెల్యే కూనంనేని సాంబశివరావుతో కలిసి ఆయన శుక్రవారం పర్యటించారు. లక్ష్మీదేవిపల్లి మండలం రేగళ్ల అటవీ ప్రాంతంలో ఫారెస్ట్ డిపార్ట్మెంట్ ఆధ్వర్యంలో నిర్వహించిన వన మహోత్సవంలో పాల్గొన్నారు. ఫారెస్ట్ ఆఫీసర్లు భారీ మోటార్ సైకిల్ర్యాలీ నిర్వహించారు. మొక్కలు నాటారు.
లక్ష్మీదేవిపల్లి, పాల్వంచలో పలు అభివృద్ధి పనులకు ఆయన శంకుస్థాపన చేశారు. కలెక్టరేట్లో ఏర్పాటు చేసిన మహిళా శక్తి క్యాంటీన్ను ప్రారంభించారు. ఈ సందర్భంగా మంత్రి మాట్లాడుతూ జిల్లాలో ఎకో పార్కుల ఏర్పాటుకు చాలా అవకాశాలున్నాయన్నారు. పులి వస్తే ప్రమాదం అనే భ్రమ నుంచి ప్రజలు బయటకు రావాలన్నారు. వాటికి అభద్రత కలిగినప్పుడే దాడులు చేస్తాయని చెప్పారు.
జిల్లాలో పులుల అవాసానికి అవసరమైన ఫారెస్ట్ను ఆఫీసర్లు డెవలప్ చేస్తున్నారని తెలిపారు. పలు రకాల జంతువులకు జిల్లాలోని ఫారెస్ట్ నెలవు కావాలన్నారు. కొత్తగా పోడు ఎవరూ కొట్టడం లేదన్నారు. ఫారెస్ట్ ఆఫీసర్లు సమన్వయంతో అడవిని కాపాడుకోవాలని సూచించారు. రేగళ్ల ప్రాంతంలోని భూ సమస్యను ఫారెస్ట్, రెవెన్యూ అధికారులు మరోసారి సర్వే చేసి ప్రజలకు న్యాయం చేసేలా చర్యలు తీసుకోవాలని చెప్పారు. పోడు భూములు సాగు చేసుకుంటున్న రైతులను అన్ని విధాలా అభివృద్ధి చేసేందుకు ఫారెస్ట్ అధికారులతో పాటు కలెక్టర్ ప్రత్యేకంగా ప్రణాళికలను రూపొందిస్తుండటం అభినందనీయమన్నారు.
పోడు భూముల్లో ఐటీసీ సహకారంతో యూకలిప్టస్ మొక్కలను పెంచేందుకు ప్లాన్ చేస్తున్నట్లు తెలిపారు. ఆదివాసీల చేతిలో హత్యకు గురైన ఫారెస్ట్ ఆఫీసర్ శ్రీనివాస్ కుటుంబానికి గత బీఆర్ఎస్ ప్రభుత్వం 500గజాల ఇంటి స్థలాన్ని ఇస్తానని మోసం చేసిందని, తమ ప్రభుత్వం త్వరలో వారికి ఇంటి స్థలం పట్టాను అందజేయనుందని చెప్పారు. మహిళలను ఆర్థికంగా బలోపేతం చేసేందుకే ప్రభుత్వం మహిళా శక్తి క్యాంటీన్లను ఏర్పాటు చేసిందని తెలిపారు. ఖనిజాలు, అనేక సహజ వనరులున్నా ఈ జిల్లా అభివృద్ధిపై కలెక్టర్ ప్రత్యేక దృష్టి సారించారన్నారు.
పొల్యూషన్ను అధికంగా ఉన్న ఈ జిల్లాలో గ్రీనరీతోనే పొల్యూషన్కు అడ్డుకట్ట వేయవచ్చని చెప్పారు. జిల్లా ప్రెస్ క్లబ్ కోసం అవసరమైన ల్యాండ్ను కేటాయించే విధంగా చర్యలు తీసుకోవాలని కలెక్టర్కు సూచించారు. పాల్వంచలో దాదాపు రూ. 50లక్షలతో నిర్మించిన సింథటిక్ కోర్టును ప్రారంభించిన ఆయన క్రీడాకారులతో కలిసి టెన్నీస్ ఆడారు. అర్చరీ క్రీడాకారులతో మాట్లాడారు. క్రీడాకారులను ప్రభుత్వం అండగా ఉంటుందన్నారు..
ఈ ప్రోగ్రాంలో సీసీఎఫ్ భీమా నాయక్, కలెక్టర్జితేశ్వి పాటిల్, ఎస్పీ బి. రోహిత్ రాజు, జిల్లా ఫారెస్ట్ ఆఫీసర్ కృష్ణాగౌడ్, డీఆర్డీవో విద్యాచందన, జిల్లా క్రీడల, యువజన శాఖాధికారి పరంధామయ్య, మార్క్ ఫెడ్ డైరెక్టర్ కొత్వాల శ్రీనివాస్, పలు శాఖల అధికారులు వెంకటేశ్వరరావు, శేషాంజన్ స్వామి, రాజేశ్పాల్గొన్నారు.
