ఖిలా వరంగల్/ పరకాల, వెలుగు : ప్రైవేట్కు దీటుగా సర్కారు బడులను తీర్చిదిద్దేందుకు కాంగ్రెస్ ప్రజా ప్రభుత్వం పని చేస్తుందని పరకాల ఎమ్మెల్యే రేవూరి ప్రకాశ్ రెడ్డి అన్నారు. బుధవారం గ్రేటర్ వరంగల్ 17 వ డివిజన్ బొల్లికుంటలోని జడ్పీహెచ్ఎస్లో అదనపు గదులను ఎంపీ కడియం కావ్యతో కలిసి ప్రారంభించారు. ఈ సందర్భంగా ఎమ్మెల్యే మాట్లాడుతూ ప్రభుత్వ పాఠశాలలో మెరుగైన విద్య, రుచికరనమైన భోజనం, దుస్తులు ఇతర సౌకర్యాలను ప్రభుత్వం కల్పిస్తుందని తెలిపారు.
హెచ్ఎం ఆనంద బాబు, పసునూరి వేణుగోపాల్ (సాల్మన్), వాలుగుల రాజు, ఎండీ జూనీ తదితరులు పాల్గొన్నారు. పరకాల మండలం మండలం నాగారం, వెల్లంపల్లి, కామారెడ్డిపల్లి గ్రామాల్లో ఎమ్మెల్యే రేవూరి సీసీ రోడ్ల నిర్మాణ పనులకు శంకుస్థాపన చేశారు.
