టాలీవుడ్ ప్రముఖ డైరెక్టర్లు రామ్ గోపాల్ వర్మ, సందీప్ రెడ్డి వంగ శనివారం హైదరాబాద్ లోకి నోవొటెల్ హోటల్ లో నిర్వహించిన సినిమాటికా ఎక్స్‌పోలో ముఖ్య అతిథులుగా పాల్గొన్నారు. ఈ సందర్భంగా స్టేజ్ మీద అభిమానులతో మాట్లాడుతూ చిట్ చాట్ చేశారు.
ఈ క్రమంలో రామ్ గోపాల్ వర్మ ప్రముఖ డైరెక్టర్ జక్కన్న "ఎస్ఎస్ రాజమౌళి తీసిన బాహుబలి సినిమాకంటే బెటర్ సినిమా తీయగలవా..?" అని సందీప్ రెడ్డిని అడిగాడు. దీంతో సందీప్ రెడ్డి ఏమాత్రం ఆలోచించకుండా "నేను ట్రై చేస్తాను సార్, ఐ విల్ ట్రై" అని ఆన్సర్ ఇచ్చాడు. రామ్ గోపాల్ వర్మ సందీప్ రెడ్డికి ఆల్ ది బెస్ట్ అంటూ షేక్ హ్యాండ్ ఇచ్చాడు.
అలాగే ఈ వీడియో ని తన సోషల్ మీడియాలో షేర్ చేశాడు. దీంతో కొందరు నెటిజన్లు ఈ వీడియోపై స్పందిస్తూ సందీప్ రెడ్డి తలుచుకుంటే కచ్చితంగా సాధిస్తాడని కామెంట్లు చేస్తున్నారు.
ఈ విషయం ఇలా ఉండగా ప్రస్తుతం సందీప్ రెడ్డి తెలుగులో స్పిరిట్ అనే సినిమాకి దర్శకత్వం వహిస్తన్నాడు. ఈ సినిమాలో హీరోగా యంగ్ రెబల్ స్టార్ ప్రభాస్ హీరోగా నటిస్తున్నాడు. సూపర్ కాప్ బ్యాక్ డ్రాప్ లో నటిస్తున్న ఈ సినిమాలో ప్రభాస్ పవర్ఫుల్ పోలీస్ ఆఫీసర్ పాత్రలో నటిస్తున్నాడు. భద్రకాళీ పిక్చర్స్ బ్యానర్ పై సందీప్ రెడ్డి ఈ సినిమాని నిర్మిస్తున్నాడు. స్పిరిట్ సినిమా షూటింగ్ వచ్చే ఏడాది జనవరిలో షూటింగ్ ప్రారంభం కానుంది.
