- 5 శాతం నూకతో సరఫరా
- మిల్లర్లకు క్వింటాల్కు రూ. 350 చెల్లింపు
- మిల్లు నుంచి కాకినాడ ఫోర్ట్ వరకూ ట్రాన్స్పోర్ట్
యాదాద్రి, వెలుగు : యాదాద్రి జిల్లా నుంచి ఫిలిప్సీన్స్ దేశానికి బియ్యం ఎగుమతి కానున్నాయి. ఈ మేరకు బియ్యం పంపించడానికి జిల్లాలోని నాలుగు మిల్లులు అంగీకరించాయి. మిల్లుల నుంచి కాకినాడ పోర్ట్ వరకూ బియ్యాన్ని లారీలో పంపిస్తారు. అక్కడి నుంచి ఫిలిప్సీన్స్కు తరలిస్తారు.బియ్యం కోసం గతేడాది ఫిలిప్సీన్స్ దేశం.. సర్కారును సంప్రదించింది. దీంతో ఆ దేశంతో పౌరసరఫరాల శాఖ మంత్రి ఉత్తమ్కుమార్ రెడ్డి అప్పట్లోనే చర్చించారు. బియ్యంలో నూక 5 శాతానికి మించకుండా ఎగుమతి చేయాలని ఆ దేశం కోరడంతో రాష్ట్రం నుంచి లక్ష టన్నుల బియ్యం ఎగుమతికి ప్రభుత్వం ఓకే చెప్పింది.
మిల్లర్లతో పౌరసరఫరా శాఖ కమిషనర్ డీఎస్ చౌహన్ సమావేశం ఏర్పాటు చేసి ఫిలిప్సీన్స్కు బియ్యం ఎగుమతి చేసే విషయంలో మిల్లర్లతో చర్చలు జరిపారు. 2022-23 యాసంగి సీజన్కు సంబంధించిన వడ్లను గతంలోనే టెండర్ వేసిస సంగతి తెలిసిందే. అయితే ఇప్పటివరకూ ఆ సీజన్ వడ్లను ఇంకా పూర్తి స్థాయిలో మిల్లర్లు ఇవ్వలేదు. దీంతో ఆ సీజన్కు చెందిన వడ్లను మరాడించి బియ్యం ఇవ్వాలని సూచించారు. దీనికి పలు మిల్లులు అంగీకరించాయి.
మిల్లుల నుంచి కాకినాడ పోర్టు వరకూ
జిల్లాలోని కాదంబరీ, యాదాద్రి, మల్లికార్జున, విద్య మిల్లుల్లోని బియ్యాన్ని లారీల ద్వారా కాకినాడ పోర్టు వరకూ తరలిస్తారు. ఈ ట్రాన్స్పోర్ట్ చార్జీలను సైతం ప్రభుత్వమే భరించనుంది. అక్కడి నుంచి ఓడల ద్వారా ఫిలిప్సీన్స్కు పంపిస్తారు.
యాదాద్రి నుంచి 10 వేల టన్నులు
ఫిలిప్సీన్స్కు బియ్యం పంపించడానికి జిల్లాలోని కాదంబరీ, యాదాద్రి, మల్లికార్జున, విద్య మిల్లులు అంగీకరించాయి. ఈ మిల్లుల్లో 2022-23 సీజన్కు సంబంధించిన వడ్లను మరాడించి 10 వేల టన్నులను ఫిలిప్సీన్స్కు పంపించడానికి ఓకే చెప్పాయి. అయితే సీఎంఆర్కు 25 శాతం నూకను ప్రభుత్వం అంగీకరించేది.. ఇప్పుడు 5 శాతం నూకతోనే బియ్యం పంపించాల్సి ఉంటుంది. అందుకే క్వింటాల్కు రూ. 350 మిల్లర్లకు ఇవ్వనున్నారు.
దీంతో పాటు క్వింటాల్కు రూ. 50 చొప్పున మిల్లింగ్ చార్జీలు కూడా ప్రభుత్వం చెల్లిస్తుంది. బియ్యం ప్యాక్ చేయడానికి తెల్ల గన్నీ బ్యాగులను సివిల్ సప్లయ్ డిపార్ట్మెంట్ మిల్లర్లకు అందించనుంది. అయితే బియ్యం నాణ్యతతో పాటు నూక శాతాన్ని సివిల్ సప్లయ్ డిపార్ట్మెంట్ టీమ్ పరిశీలించిన తర్వాతే ప్యాక్ చేస్తారు.
