కాంతార కోసం హాలీవుడ్ స్టంట్ మాస్టర్ ని దింపిన రిషబ్ శెట్టి..

కన్నడలో ప్రముఖ హీరో మరియు డైరెక్టర్ రిషబ్ శెట్టి దర్శకత్వంలో వచ్చిన కాంతార సినిమా బ్లాక్ బస్టర్ హిట్ అయిన విషయం తెలిసిందే. ఈ సినిమాని మేకర్స్ కన్నడతో పాటూ తెలుగు, తమిళ్ మలయాళం తదితర భాషలలో రిలీజ్ చేశారు. ఎటువంటి అంచనాలు లేకుండా రిలీజ్ అయిన ఈ సినిమా వరల్డ్ వైడ్ గా దాదాపుగా రూ.450 కోట్లు(గ్రాస్)  కలెక్ట్ చేసి రికార్డులు క్రియేట్ చేసింది. అలాగే ఈ సినిమాతో హీరో రిషబ్ శెట్టి క్రేజ్ ఒక్కసారిగా పెరిగింది. దీంతో కాంతార :చాప్టర్ 1 సినిమా మేకింగ్ విషయంలో రిషబ్ శెట్టి చాలా జాగ్రత్తగా ప్లాన్ చేస్తున్నాడు.

అయితే కాంతార :చాప్టర్ 1 లోని ఫైట్స్ కోసం హాలీవుడ్ కి చెందిన టోడర్ లాజరోవ్ ని తీసుకొచ్చారు. దీంతో ప్రస్తుతం టోడర్ లాజరోవ్ తో రెండు యాక్షన్ సన్నివేశాలని తీస్తున్నట్లు సమాచారం. అయితే టోడర్ లాజరోవ్ హాలీవుడ్ లో ఇన్ హెల్, రెడ్ ఫ్యాక్షన్ తదితర సినిమాలకి పని చేశాడు. ముఖ్యంగా తెలుగులో ప్రముఖ డైరెక్టర్ జక్కన్న ఎస్ఎస్ రాజమౌళి తెరకెక్కించిన ఆర్.ఆర్.ఆర్ సినిమాకి కూడా స్టంట్ మాస్టర్ గా పని చేశాడు. దీంతో టోడర్ లాజరోవ్ పని తీరుని మెచ్చిన రిషబ్ శెట్టి బల్గెరియా నుంచి తీసుకొచ్చి కాంతార : చాప్టర్ 1 లో అవకాశం ఇచ్చినట్లు సమాచారం.

ALSO READ : దుల్కర్ సల్మాన్ తో సాయి పల్లవి.. ఈసారి తెలుగులో..

ఈ విషయం ఇలా ఉండగా రిషబ్ శెట్టి ప్రస్తుతం టాలీవుడ్ లో కూడా వరుస ఆఫర్లు దక్కించుకుంటున్నాడు. ఈ క్రమంలో తెలుగు స్టార్ డైరెక్టర్ ప్రశాంత్ వర్మ డైరెక్ట్ చేస్తున్న జై హనుమాన్ సినిమాలో హనుమాన్ పాత్రలో నటిస్తన్నాడు. ఇటీవలే జై హనుమాన్ ఫస్ట్ లుక్ పోస్టర్ రిలీజ్ చెయ్యగా మంచి రెస్పాన్స్ వచ్చింది. అలాగే ప్రముఖ సినీ నిర్మాణ సంస్థయిన సితార ఎంటర్టైన్ మెంట్స్ నిర్మిస్తున్న మరో భారీ బడ్జెట్ సినిమాలో కూడా హీరోగా నటిస్తున్నాడు.